İspaniyada koronavirusa yoluxan daha 288 nəfər ölüb

APA-nın xəbərinə görə, bu barədə İspaniya Səhiyyə Nazirliyi məlumat yayıb.

Bununla da ölkədə virusa yoluxuma nəticəsində ölənlərin sayı 23 min 190 nəfərə çatıb.

Sutka ərzində 1729 nəfərin koronavirusa yoluxduğu aşkarlanıb. Beləliklə, İspaniyada indiyə qədər 207 min 634 nəfər koronavirusa yoluxub, 98 min 732 xəstə sağalıb.

Qeyd edək ki, İspaniya hazırda koronavirusa yoluxma nəticəsində ölənlərin syaına görə dünyada ABŞ və İtaliyadan sonra üçüncü yerdə, koronavirusa yoluxanların sayına görə isə ABŞ-dan sonra ikinci yerdə qərarlaşıb.

pia.az