İsmayıllıda 3 nəfərin xəsarət alması ilə nəticələnən qəza baş verib

İsmayıllı rayonunda 3 nəfərin xəsarət alması ilə nəticələnən yol-nəqliyyat hadisəsi baş verib.

APA-nın yerli bürosunun xəbərinə görə, hadisə bu gün saat 18:00 radələrində Qaraməryəm-İsmayıllı yolunun 5-ci kilometrliyində, Kürdmaşı kəndi ərazisində qeydə alınıb.

Sumqayıt şəhər 10 saylı yataqxanada yaşayan 1963-cü il təvəllüdlü Mehdiyev Hicrat Musif oğlu “Toyota Prado” markalı minik avtomobili ilə hərəkətdə olarkən idarəetməni itirib və avtomobil yoldan çıxaraq əkin sahəsinə aşıb. Hadisə zamanı sürücü və daha iki sərnişin müxtəlif dərəcəli bədən xəsarətləri ilə İsmayıllı rayon Mərkəzi Xəstəxanasına çatdırılıblar.

Faktla bağlı araşdırma aparılır.

pia.az