İraqın Salah əd-Din əyalətindəki “Balad” Hərbi Hava Qüvvələrinin bazası raket atəşinə tutulan zaman heç bir ABŞ hərbçisi xəsarət almayıb
APA-nın məlumatına görə, bu barədə RİA Novosti-yə ABŞ Mərkəzi Komandanlığının nümayəndəsi bildirib.
Onun sözlərinə görə, “Balad” hərbi bazasının raket atəşinə tutulması zamanı koalisiyanın şəxsi heyətindən, o cümlədən ABŞ hərbçilərindən heç biri xəsarət almayıb.
Qeyd edək ki, İraqdakı hərbi mənbədən verilən məlumata görə, bazar günü sözügedən hərbi bazaya 5 raket atılıb. Atəş nəticəsində 4 İraq hərbçisinin yaralandığı bildirilib. Yaralananlardan 2-si zabitdir.
pia.az