Bu gün səhər saatlarında Türkiyə-İran sərhədində baş verən zəlzələ nəticəsində Türkiyənin Van rayonunda ölənlərin sayı 8 nəfərə çatıb...
PİA.az xəbər verir ki, bu barədə ölkənin daxili işlər naziri Süleyman Soylu bildirib.
Nazir qeyd edib ki, təbii hadisə zamanı xəsarət alanların sayı 37 nəfərə çatıb.
Daha əvvəl zəlzələ zamanı 8 nəfərin öldüyü, 21 nəfərin xəsarət aldığı bildirilirdi. (Report)
***
APA-nın Türkiyə bürosunun məlumatına görə, bunu Türkiyə Daxili İşlər naziri Süleyman Soylu bildirib.
Xilasetmə əməliyyatları davam edir.
***
Bu gün səhər saatlarında Türkiyə-İran sərhədində baş verən zəlzələ nəticəsində Türkiyənin Van rayonunda 7 nəfər ölüb, 21 nəfər yaralanıb.
APA-nın Türkiyə bürosunun məlumatına görə, Türkiyə Səhiyyə Naziri Fəxrəddin Qoca bildirib ki, yaralılardan 8-nin durumu ağırdır.
Təbii fəlakət zonasına xilasetmə briqadaları cəlb edilib.
***
Bu gün səhər saatlarında Türkiyə-İran sərhədində baş verən 5,9 maqnitudalı zəlzələ Türkiyədə dağıntı və tələfata yol açıb...
APA-nın Türkiyə bürosunun məlumatına görə, Türkiyənin Van rayonunun Başqala qəsəbəsində dağıntılar altında qalan 3-ü uşaq olmaqla, 7 nəfər ölüb, 5 nəfər yaralanıb.
Türkiyənin Daxili İşlər naziri Süleyman Soylu dağıntılar altında qalanların olduğunu bildirib.
Qeyd edək ki, bu gün yerli vaxtla saat 08.53 radələrində İranın Xoy şəhərində 5.9 maqnitudalı zəlzələ olub.
pia.az