İranın Kohgiluyə və Buyir-Əhməd vilayətinin Gəçsaran rayonunun Doqonbədan şəhəri yaxınlığında 5,2 bal gücündə zəlzələ baş verib...
İran İslam Respublikasının cənub-qərbində baş vermiş zəlzələ nəticəsində 6 nəfər xəsarət alıb.
“Report” xəbər verir ki, bu barədə “İSNA” agentliyinə açıqlamasında Qızıl Aypara Cəmiyyətinin nümayəndəsi Mehdi Valipur bildirib.
Onun sözlərinə görə, həmin şəxslər zəlzələ zamanı qaçarkən xəsarət alıblar.
Öz növbəsində ölkənin təcili yardım xidməti bildirib ki, xilasetmə xidmətləri zəlzələ nəticəsində kənd və qəsəbələrə dəyən zərərləri hesablayır. Lakin xidmət zərərçəkənlər barədə məlumat verməyib.
***
Yenisabah.az Tehran Universiteti Geofizika İnstitutu Seysmologiya Mərkəzinə istinadən xəbər verir ki, zəlzələ yerli vaxtla saat 13:41-də 10 km dərinlikdə qeydə alınıb.
Dağıntı və tələfat haqda məlumat yoxdur.
pia.az