İran xüsusi xidmət orqanları azərbaycanlı dissidentlərin və digər etnik azlıqların həm ölkə daxilində, həm də onun hüdudlarından kənarda onlayn-hesablarının sındırılması üçün zərərverici proqramların istifadəsini davam etdirirlər
Bu barədə İranda İnsan Hüquqlarının Müdafiəsi Mərkəzinin (CHRI) yeni araşdırmasında deyilir.
CHRI-ın məlumatına əsasən, araşdırma zamanı İranda, Avropada və ABŞ-da yaşayan insanların hesablarına ən azı 74 haker hücumu müəyyən edilib.
2018-ci ilin fevralında “Macoban Nur” saytının (izlənilən Qonabadi sufi müsəlman icmasının rəsmi saytı) administratorlarının hesablarına və digər milli azlıqlara hücum etdikdən sonra son kiberhücum azərbaycanlı dissidentlərə qarşı törədilib.
Son həftə ərzində azı 27 hücum faktı müəyyən olunub. Bunların arasında “Amerikanın səsi”nin Azərbaycan redaksiyasına işləyən jurnalistə və bütün dünya üzrə digər azərbaycanlı dissidentlərə qarşı hücumları göstərmək olar.
Zərərverici proqram təminatı ötən il qadın hüquqlarının müdafiəçilərinə, Tehranda tələbə fəallarına, həmçinin Fransada işləyən və Qonabadini dəstəkləyən DorrTV-nin işçi heyətinə, İsveçdə fəaliyyət göstərən Cənubi Azərbaycan Demokrat Partiyasının üzvlərinə və “Heydər Baba” Azərbaycan media-qrupuna qarşı işlənmişdi.(virtualaz.org)
pia.az
Digərxəbərlər
Populyar xəbərlər
