“Koronavirusla mübarizədə İran ABŞ-dan heç vaxt kömək istəməyəcək”...
APA-nın İran mətbuatına istinadən verdiyi xəbərə görə, bunu İran Xarici İşlər Nazirliyinin (XİN) sözçüsü Abbas Musəvi deyib.
“Pandemiya ilə mübarizədə İran ABŞ-dan heç vaxt Tehrana kömək etməsini istəməyib və istəməyəcək. Ancaq ABŞ İrana qarşı bütün qanunsuz, birtərəfli sanksiyaları qaldırmalıdır", - deyə İran XİN sözçüsü vurğulayıb.
O qeyd edib ki, ABŞ Tehranı danışıqlara məcbur etməyə çalışır.
Xatırladaq ki, daha əvvəl İranın Ali Rəhbəri Əli Xamenei bildirib ki, Tehran koronavirusla mübarizə üçün ABŞ-ın təklif etdiyi humanitar yardımdan imtina edib.
pia.az