İngiltərənin Səhiyyə naziri Matt Hankok koronavirusla mübarizə çərçivəsində tədbirləri daha da sərtləşdirəbiləcəklərini açıqlayıb.
Nazir bunu son günlər ölkədə yoluxma sayının kəskin artmasına reaksiya olaraq deyib. O qeyd edib ki, yay aylarında insanlar qaydalara məhəl qoymayıb və rahat davranıblar:
"Artıq qaydalara riayət etmək üçün hamı özünə gəlməlidir. Lazım gələrsə, milli karantin tətbiqinə də hazır olmalıyıq. Bunu diqqətdən qaçırmaq olmaz. Koronavirus testi çıxanlar özlərini evlərində izolyasiya etməlidirlər. Bunu etməyənlərə ilk mərhələdə 1000 sterlinq, ikinci mərhələdə isə 10 min sterlinq pul cəzası tətbiq olunacaq".
Qeyd edək ki, İngiltərədə 14 sentyabrdan etibarən 6 nəfərdən çox insanın bir araya toplaşması qadağan edilib.(yenisabah)
pia.az