İlahiyyatçı Əhliman Rüstəmov sərbəst buraxılıb. Bu barədə Rüstəmovun yaxınları sosial şəbəkələrdə məlumat veriblər.
A.Rüstəmovun işinin təfərrüatları açıqlanmır.
***
“Hacı Cavad” məscidinin keçmiş axundu, iranpərəst ilahiyyatçı Əhliman Rüstəmov bu gün Dövlət Təhlükəsizliyi Xidmətinin (DTX) əməkdaşları tərəfindən saxlanılıb.
Oğlu Qasım Rüstəmov KİV-lərə bildirib ki, DTX əməkdaşları atasını evindən götürüblər. Eyni zamanda mənzildə axtarış aparılıb və dini ədəbiyyat müsadirə edilib. İlahiyyatçının ailəsinə saxlanmanın səbəbi izah edilməyib.
Qeyd edək ki, son günlər ərzində Azərbaycanda bir neçə iranpərəst ilahiyyatçı saxlanılıb. Lakin onlardan yalnız birinə - Sərdar Babayevə rəsmi ittiham irəli sürülüb. O, dövlətə xəyanət etməkdə ittiham olunur.
pia.az