Hüseyn Abdullayevin məhkəməsində zərərçəkmiş qadın şikayətçi olmadı

Bakı Hərbi Məhkəməsində keçirilən prosesdə H. Abdullayevin şirkətində ofis meneceri işləmiş Canbulat Kalyayev ifadə verib.

Şahid bildirib ki, ofisdə hər hansı qanunsuzluq baş verməyib: "Aylıq maaşımı alırdım. İşlərin çoxuna Zeynəb xanım rəhbərlik edirdi. Hər hansı qanun pozuntusunun şahidi olmadım”.

Zərərçəkmiş Rəsmiyyə Abdullayeva bildirib ki, Hüseyn Abdullayevin şirkətində 170 səhmi olub və heç bir problem olmadan mənfəətini götürüb. O da sabiq deputatdan şikayətçi olmadığını deyib.

Proses aprelin 23-də davam etdiriləcək.

Qeyd edək ki, cinayət işi üzrə Hüseyn Abdullayev və anası Zeynəb Abdullayevadan başqa Həbib İbrahimov, Xalid Əliyev, Namiq Babayev, İntiqam Süleymanov, Pərviz Kazımov, Zaur Quliyev və Nazim Əliyev də təqsirləndirilən şəxs qismində tanınıb. Onlar Cinayət Məcəlləsinin 178.3.1-ci (dələduzluq), 182.3.1-ci (hədə-qorxu ilə tələb etmə), 192.2.2; 192.2.3; 193-1.3.2 və 193-1.3.1-ci ( qanunsuz sahibkarlıq), 213.2.2 və 213.2.1-ci (vergidən yayınma) 228.1-ci (qanunsuz silah saxlama), 312-1.2-ci (rüşvət vermə) 313-cü (vəzifə saxtakarlığı), 308.2-ci (vəzifə səlahiyyətlərindən sui-istifadə etmə), 326.1-ci (rəsmi sənədləri məhv etmə), 318.2-ci (qanunsuz sərhədi keçmə), 342.2-ci (qulluğa səhlənkarlıqla yanaşma); 341.2.3-cü (Hakimiyyətdən sui-istifadə etmə, hakimiyyət həddini aşma və ya hakimiyyətdən istifadə etməmə), 339.2-ci (Sərhəd xidməti qaydalarını pozma) maddələri ittiham olunur.

Xatırlaqdaq ki, təqsirləndirilən H.Abdullayev Türkiyə Respublikası ərazisində tutularaq 22 aprel 2018-ci il tarixdə Azərbaycan Respublikasının hüquq mühafizə orqanlarına təhvil verilib. (Bakupost.az)

pia.az