Göygöldə zəncirvari qəza baş verib, xəsarət alanlar var

Göygöl rayonunda yol-nəqliyyat hadisəsi baş verib. APA-nın yerli bürosunun məlumatına görə, hadisə Gəncə-Toğanalı-Göygöl avtomobil yolunun rayonun Çaykənd kəndində keçən hissəsində qeydə alınıb. Hərəkətdə olan “Hyundai” markalı minik maşını ilə “Mercedes” markalı minik avtomobili toqquşub. Bu zaman yolla hərəkətdə olan digər “Mercedes” markalı avtomobil toqquşan avtomobillərə çırpılıb. Qəzadan sonra “Mercedes” yoldan çıxaraq aşıb. Qəza zamanı 1991-ci il təvəllüdlü Aysel Rzayeva və daha bir nəfər xəsarət alaraq xəstəxanaya yerləşdirilib. Hadisə yerinə hüquq-mühafizə orqanların əməkdaşları cəlb olunub.

Faktla bağlı araşdırma aparılır.

pia.az