Çərşənbə axşamı, 24 Noyabr 2020
USD : 1.7
EUR : 1.8724
Hava
+16 ° Baku
+8 ° Quba
+8 ° Qusar
+16 ° Gəncə
+11 ° Lənkəran
+18 ° Naxçıvan
+12 ° Salyan
+16 ° Şəki

Fransa nəşri: Ermənistan əlavə vaxt qazanıb

Le Point, Fransa
17.11.2020

Azərbaycanın qanlı müharibədə qazandığı qələbədən sonra Ermənistan ötən bazar ona təhvil verilməli olan Kəlbəcər rayonunu boşaltmaq üçün daha 10 gün vaxt qazanıb.

Ermənistan silahlı birləşmələrinin Kəlbəcərdən tərəflər arasında Rusiyanın himayəsi altında imzalanmış və döyüşlərə son qoymuş atəşkəs razılaşmasına əsasən çıxarılması üçün təyin edilmiş vaxt Yerevanın xahişilə noyabrın 25-dək uzadılıb. Yerevan bu istəyirini qarşı tərəfə Rusiya prezidenti Vladimir Putinin vasitəsilə çatdırıb.

Azərbaycan Kəlbəcərdən erməni silahlı birləşmələrinin və orada qanunsuz məşkunlaşmış ermənilərin çıxması üçün müddətin noyabrın 25-dək uzadılmasına razılıq verib”, - deyə Azərbaycan prezidentinin köməkçisi Hikmət Hacıyev bildirib. O, bunu humanist qərar adlandırıb.
Hacıyev deyib ki, digər iki rayon – AğdamLaçının boşaldılması müddəti dəyişmətib. Ermənilər bu rayonlardan müvafiq olaraq 20 noyabr və 1 dekabr tarixlərinədək çıxmalıdır.

Qeyd edək ki, bu rayonlar erməni qüvvələri tərəfindən 1990-cı illərdə Azərbaycanın əhalisinin əksəriyyəti ermənilərdən ibarət Dağlıq Qarabağ bölgəsi uğrunda getmiş müharibə zamanı işğal edilib.

Beləliklə, azərbaycanlıların qayıtmalı olduğu Kəlbəcərdən erməni əhalinin köçü başlayıb. “Frans-Press” agentliyi xəbər verir ki, köç edənlərin əksəriyyəti azərbaycanlılara qalmaması üçün evlərə od vurur.
Son bazar günü rayondan Ermənistana gedən yol açıq idi. Ona hələ ermənilər nəzarət edirdi. Bununla yanaşı, artıq əhalinin əksəriyyəti Azərbaycan Silahlı Qüvvələrinin gözlənilən gəlişilə əlaqədar rayonu tərk etməyə başladığından, yolda nəqliyyat vasitələrinin sayı əvvəlki günlərə nisbətən daha çox idi.

Boz tüstü və atılmış əşyalar

Rayonu tərk etməyə hazırlaşan onlarla ailənin evlərini yandırdığı Şarektar kəndi “ruhlar kəndi”nə bənzəyir. Evlərdən biri külə dönmək üzrə idi. Səmaya boz tüstü qalxırdı. Ətrafda isə dağıntılar və atılmış əşyalar...

Amma burada 1990-cı illərdə baş vermiş müharibəsindən sonra hər şey əksinə idi. O zaman buradan azərbaycanlı əhali qaçır, ermənilərsə burada məşkunlaşmağa ruhlandırılırdı.

Tərəflər arasında döyüşlərin dayandırılmasına dair razılaşma artıq xeyli zəifləmiş və kiçilmiş “Dağlıq Qarabağ Respublikası”na (dırnaq işarəsi bizə aiddir - WM) 2000-dək Rusiya sülhməramlısının yerləşdirilməsini də nəzərdə tutur. Altı həftə davam etmiş müharibə zamanı sakinlər raket hücumları nəticəsində qismən dağılmış “paytaxt Stepanakert”i (dırnaq işarəsi bizə aiddir - WM) də tərk edib. Lakin artıq erməni tərəfi sakinləri geri qayıtmağa çağırıb. Nəticədə şənbə günü Ermənistandan sakinlərlə dolu təxminən 10 avtobus şəhərə gəlib.

Hələlik Rusiya qüvvələri bölgəyə tam yerləşməyib. Nəticədə Ermənistanı Dağlıq Qarabağla birləşdirən Laçın dəhlizi açılmayıb. Odur ki, Dağlıq Qarabağa yeganə giriş Kəlbəcər rayonundandır.

Küçələrə səpələnmiş cəsədlər

Rusiyalı əsgərlər şənbə günündən buradakı qədim monastırın ətrafında mövqe tutublar. Həmin vaxt burada son ayinlər həyata keçirilir, insanlar dini əşyaları yığışdırırdılar.

Kremldən verilən məlumata görə, Azərbaycan prezidenti İlham Əliyev rusiyalı həmkarı Vladimir Putini Bakının nəzarətinə keçəcək bütün kilsələrin dövlət tərəfindən qorunacağına, xristianların üzünə açıq olacağına əmin edib.

Vladimir Putinlə Ermənistanın baş naziri Nikol Paşinlan arasında baş tutmuş söhbət zamanı isə tərəflər Dağlıq Qarabağ ətrafında vəziyyətin sabit saxlanılmasının əhəmiyyətini vurğulayıblar.

Yeri gəlmişkən, Nikol Paşinyan məğlubiyyətdən sonra ölkəsində satqın elan olunub. Yerevanda hakimiyyət əleyhinə etiraz aksiyaları keçirilir. Hakimiyyət orqanları baş naziri qətlə yetirərək hakimiyyəti ələ almağa çalışmaqda ittiham olunan müxalifət liderini belə, həbs edib.

Ermənistan müharibədə 2317 hərbçisini itirdiyini bildirir. Azərbaycan isə hərbi itkilərilə bağlı məlumat vermir.

Xankəndi yaxınlığında yerləşən və artıq Azərbaycan Ordusunun nəzarətində olan Şuşa şəhəri ətrafından cəsədlərin təxliyəsi Beynəlxalq Qızıl Xaç Komitəsi tərəfindən Rusiya əsgərlərinin himayəsi altında həyata keçirilir. Ölənlərin yaxınları onların şəxsiyyətinin müəyyənləşdirilməsi üçün morqa dəvət olunur.

Təxminən 50 yaşında olan bir kişi deyir: “Mən Şuşada ölmüş qardaşım oğlunun cəsədini axtarıram. Nişan üzüyü daim barmağında olurdu”.
(Fransız dilindən tərcümə - WorldMedia.Az)

Mənbə: Le Point

pia.az


Etiket:


Digərxəbərlər

Prezident İlham Əliyev xalqa yenə çağırış etdi

“Əli Həsənovun qudası oğurladığı milyardlardan bir neçə milyonunu xalqa ayırmalıdır” - Aslan İsmayıliv

Populyar xəbərlər

Putin və Makronun qəfil və şübhəli birliyinin arxasındakı plan - Qarabağ gizlinləri

Ordumuz şəhid verdi, bir sülhməramlı, dörd erməni hərbçi yaralandı

Araik Moskvaya qaçdı - Bakıya təhvil verilə bilər

Silahsız azərbaycanlıların Xankəndinə gedən yolda görünməsi erməniləri qorxutdu

Korpus komandirinin müavini, polkovnik Babək Səmidli şəhid olub

“Savaş başlayanda Paşinyan dedi ki, Putinə...”- İlginc açıqlama

Kreml Qarabağdakı missiyasına aydınlıq gətirməlidir: Sülh yaradır, yoxsa separatizmi qoruyur?

Lavrov və Şoyqunun Ermənistana səfərindən sonra Putinin Qarabağ açıqlamasının pərdəarxasında nələr var?

İlham Əliyev və Mehriban Əliyeva Ağdam şəhərinə gedib - Video, Foto, Yenilənib

loading...

Ən çox oxunanalar