“Rejissorumuz Vaqif İbrahimoğlu idi, tamaşa qurulmuşdu. Tərəf müqabilim Fəxrəddin Manafov idi. Fəxrəddin paltarını dəyişirdi, vaxt yox idi. Tək məşq etmək istədim. Teatrda rəssam işləyən biri var idi. Dedi ki, tullan, mən səni tutacam. Ssenariyə uyğun olaraq tullandım, amma o, məni tuta bilmədi, başı üstdə yerə yıxıldım”
Bu sözləri Əməkdar artist Hicran Nəsirova “Şou ATV” proqramında qeyd edib. Məşhur aktrisa canlı efirdə illər əvvəl başına gələn hadisədən söz açıb:
“Beynim silkələndi, elə də tamaşaya çıxdım. O, vəziyyətdə tamaşanı oynadım. Başımı hiss etmirdim. Daha sonra evə getdim, ailə üzvlərimə heç nə demədim. Sonra xəstəxanaya getdim. 1 ay ərzində özümü çox pis hiss edirdim. Beyindən başqa ürəyim də sıxılırdı. Gözlərim sanki alnımda idi”.(Qafqazinfo)
pia.az