Faiq Ağayev Röya Ayxanla barışıbmış: "Qurdla qiyamətə gedəsi deyilik ki..."

Xalq artisti Faiq Ağayev Röya Ayxanla barışıb...

Xalq artisti bu haqda "ATV maqazin onlarla" proqramında danışıb:

"Bizim aramızda buzlar olmayıb. 4 il bundan əvvəl anlaşılmazlıq oldu amma anında çözüldü. Barışıq üçün il, ay və saat gözləmək düzgün deyil. Kimdən sevgi cücərtisi, barışıq istəyi görürsənsə, şərt lazım deyil".

F. Ağayev Röyanı Xalq artisti adı alanda təbrik etdiyini də bildirib:

"Həmin gün Azad Şabanovun toyunda idik. Həmin toyda həm Miri Yusifi, həm də Röyanı gördüm və onları fəxri ad almağı münasibəti ilə təbrik etdim. Biz çoxdan barışmışıq, sadəcə medianın xəbəri yoxdur. Mətbuatın çox şeydən xəbəri yoxdur".

Ağayev küsülü olduğu digər həmkarları ilə də barışa biləcəyinin siqnalını verib:

"Mənim xasiyyətimi bilirsiniz. Yarım addım qabağa gəl, on addım qarşına gələrəm. Mənə pas ver ki, qol vura bilim. Pas verilməyəndə təbii ki, insan qol vurmaq arzusundan uzaq durur. Hər halda biz qurdla qiyamətə gedəsi deyilik ki…".

Xatırladaq ki, Faiq Aağayev Brilliant Dadaşova, Flora Kərimova və Zülfiyyə Xanbabayeva ilə küsülüdür.