Estoniya parlamenti Finlandiya və İsveçin NATO-ya qoşulması üçün sənədləri ratifikasiya ediblər.
APA xəbər verir ki,bu barədə Estoniyanın Baş naziri Kaya Kallas “Twitter“ hesabında məlumat verib.
“Tarixi məqam - Estoniya Parlamenti Riigikogu Finlandiya və İsveçin NATO-ya daxil olmasını yenicə ratifikasiya etdi. Finlandiya və İsveçi, NATO masasına xoş gəlmişsiniz”, - deyə Kallas yazıb.
Estoniya hökumətinin başçısı qeyd edib ki, ölkəsi NATO-da Skandinaviya ölkələrinin alyansa qoşulmasının ratifikasiyası prosesini başa çatdıran ilk ölkələrdən olub.
O, digər NATO üzvlərinin də bu prosesi ən qısa zamanda həyata keçirəcəyinə ümid etdiyini bildirib.
Xatırladaq ki, iyulun 4-də NATO-ya üzv ölkələr Finlandiya və İsveçin alyansa üzvlüyü ilə bağlı danışıqları başa çatdırıblar.
pia.az