Separatçılar koronavirusla mübarizədə beynəlxalq səylərə qarşı çıxmaqda günahlandırılırlar...
Ermənistandakı üç siyasi qüvvə – “Sasna tsrer” partiyası, Ermənistan Avropa Partiyası və “Demokratik vətən” partiyası Dağlıq Qarabağda keçirilən seçkilərin nəticələrini tanımadıqları ilə əlaqədar ortaq bəyanat verib.
AzToday.az “Armenia Today”-ə istinadən xəbər verir ki, bu bəyanata siyasi xadimlərdən Ara Papyan, Albert Bağdasaryan və Arkadi Vardanyan da qoşulub. Onlar insanların həyatı və sağlamlığına, habelə ordunun döyüş effektivliyinə təhlükə yaradan pandemiya zamanı II turda seçkilər keçirilməsinə qarşı çıxıb:
“Biz bu seçkiləri tanımırıq, çünki onlar milli birlik və koronavirusla mübarizədə beynəlxalq səylərə qarşı çıxır”.
Bununla yanaşı, bəyanat müəlliflərinin fikrincə, seçkilər “kütləvi pozuntlar şəraitində” keçirilib.
Partiya rəsmiləri eyni zamanda separatçıları hədələyiblər:
“Pandemiya bitdikdən sonra əsas milli vəzifə “Stepanakert mafiyası”nın devrilməsi olacaq”.
pia.az