Yaxud düşmən ölkənin Təhülkəsizlik Xidməti Azərbaycanı hədəfə almasının məqəsdi nədir?...
Ermənistanın “Panorama.am” saytının bu gün yaydığı müəmmalı məlumat olduqca böyük maraq doğurub.
AzToday.az xəbər verir ki, saytın Ermənistan Təhlükəsizlik Xidmətinin (TX) mətbuat mərkəzinə istinadən vedrdiyi məlumata görə, guya bu ilin yanvarın 31-də, saat 07:11-dən 07:30-dək Ermənistandakı mobil şəbəkələrdən birinin onlarla abunəçisinə Azərbaycan və digər xarici nömrələrdən zənglər gəlib.
Məlumata görə, hətta bəzi abunəçilər geri zəng etməyə çalışıblar. Buna görə də TX erməni abunəçiləri xəbərdar edib ki, tanımadıqları xarici nömrələrdən gələn zənglərə cavab verməsinlər. Belə ki, o zənglərə verdikdə və ya əks-əlaqə yaratdıqda, bu telefon nömrəsinin balansından külli miqdarda vəsaitin çıxarılması mümkün ola bilər. Bununla əlaqədar olaraq, TX abunəçilərini tanımadığı xarici nömrələrdən gələn zənglərə cavab verməməyə və onlarla əlaqə yaratmamağa çağırıb.
Bütün bu iddialar, təbbi ki, öz-özlüyündə bəzi suallar doğurur. Əvvəla, əgər bu xəbərlər doğrudursa, Ermənistana zəng edən azərbaycanlılar kimlərdir? Yox əgər bu xəbər əsassızdırsa, düşmən ölkənin Təhülkəsizlik Xidməti Azərbaycanı hədəfə almasının məqsədi nədir? Yəqin ki, əlaqədar orqanlar buna aydınlıq gətirə bilər.
pia.az