Bazar, 18 Aprel 2021
USD : 1.7
EUR : 1.8724
Hava
+16 ° Baku
+8 ° Quba
+8 ° Qusar
+16 ° Gəncə
+11 ° Lənkəran
+18 ° Naxçıvan
+12 ° Salyan
+16 ° Şəki
En

Erməniləri udan güləşçimiz: "Hacı Əliyevə qalib gəlmək istəyirəm"

Azərbaycanın sərbəst güləşçisi, Kiyevdə Ukraynanın tanınmış məşqçi və güləşçilərinin xatirəsinə həsr olunmuş beynəlxalq turnirin bürünc medalçısı Turan Bayramovun "Report"a müsahibəsi

- Turnirin 1/16 finalında Ukraynanı təmsil edən erməni güləşçi Qor Ohannesyan üzərində əzmkar qələbə qazandınız. Həmin gün - fevralın 26-sı Xocalı faciəsinin 29-cu ildönümü günü idi. Yəqin ki, bu amil görüşün önəmini birə-beş artırırdı...

- Yarışa çox ciddi hazırlaşmışdım. Hələ yolda olarkən püşk atılmış, rəqibim müəyyənləşmişdi. Xocalı soyqırımı bizim qan yaddaşımızdır, bu tarix heç kimin yadından çıxmayacaq. Yəni həmin günün önəmini çox gözəl başa düşürdüm. Ohannesyan Ukraynanın həmin çəkidə ən güclüsüdür. Onun erməni olması mənim üçün ikiqat motvasiya, məsuliyyət idi. Özümü artıq psixoloji cəhətdən həmin görüşə hazırlayırdım. Məğlub olmaq ağlımdan belə keçmirdi. Sevinirəm ki, çətin də olsa, ona qalib gəldim.

- Bəs finala çıxmağınıza nə mane oldu?

- Düşünürəm ki, əsas səbəb görüşlər arasındakı vaxtın azlığı oldu. Rəqiblərim də az-çox tanınmış güləşçilər idilər. Bütün görüşlərim gərgin keçdiyi üçün sonda yorğunluq özünü göstərdi və nəticədə finala çıxa bilmədim.

- Bürünc medal uğrunda rəqibiniz Ukraynanın digər erməni əsilli idmançısı Erik Aruşanyan oldu. Əvvəlki görüşdən fərqli, bu dəfə daha rahat və inamlı qələbə qazandınız...

- Bu iki görüş arasında heç bir fərq olmadı. Bütün rəqiblərə eyni ciddiyətlə yanaşıram. Mənim üçün güclü-zəif söhbəti yoxdur. Təbii ki, rəqiblərim erməni olanda daha motivasiyalı çıxış edirəm. Yəni, uduzmağı ağlıma belə, gətirmirəm. Rəqibim ermənidirsə, məndən güclü olsa belə, döşək üzərinə tam konsentrasiya ilə çıxıram və daha yaxşı güləşməyə çalışıram. Həm Ohannesyan, həm də Aruşunyanla görüşlərdə motivasiyam yüksək idi. Bilirsiniz ki, Vətən müharibəsi yenicə başa çatıb, üstündən çox vaxt keçməyib. Bu ərəfələrdə belə qələbələr mənə əlavə stimul verir.

- Maraqlıdır ki, indiyədək qarşılaşdığınız erməni güləşçilərin heç birinə uduzmamısınız...

- Bunun xüsusi səbəbi yoxdur. Sadəcə, erməniləri heç vaxt özümə rəqib görməmişəm. Çünki biz onlardan çox güclüyük. Bəlkə də qələbələrimin əsas sirri bundadır.

- Vətən müharibəsindən söz düşmüşkən, şəxsi məşqçiniz Abil İbrahimovun sözlərinə görə, həmin ərəfədə idmanı atıb, cəbhəyə yollanmaq istəmisiniz. Necə oldu ki, sonradan fikrinizi dəyişdiniz?

- 44 günlük müharibə vaxtı idmandan təmiz soyumuşdum. Hətta məşqçim üstümə qışqırırdı ki, belə etmə, sənin işin güləş xalçasındadır. Amma özümə gələ bilmirdim. Gəncədənəm, ora raket atılan vaxt şəhərdə idim. Hər şey gözümün qabağında baş verirdi. Şəhidlərimizi, yaxınlarını itirən insanları görəndə çox pis olurdum. Hətta bir dəfə hamıdan xəbərsiz səfərbərliyə yazılmaq istədim. Son anda atam məni saxladı ki, belə etmək olmaz, sən mübarizəni öz sahəndə aparmalısan. Bildirdi ki, sənin kimi idmançılara çox ehtiyac olacaq. Məni bu cür sözlərlə sakitləşdirdi. Amma 44 gün ərzində heç vaxt üzüm gülmədi. Ürəklə məşq edə bilmirdim, bütün fikrim cəbhədə idi. Əsgərlərimiz döyüş meydanında tarix yazdılar, mən və mənim kimi idmançılar isə bu sahədə erməniləri məğlub edirik. Harada olur-olsun, qarşımızdakı ermənidirsə, ona qalib gəlmək lazımdır.

- 65 kq-da güləşirsiniz və bu çəkidə Hacı Əliyev kimi lider var. Özünüzü onunla rəqabətə hazır sayırsınız?

- Əlbəttə, Hacı Əliyev çox güclü idmançıdır. Amma bu, o demək deyil ki, Əliyev məğlubedilməzdir və hər yarışa ancaq o gedə bilər. Heç kim sabah nə baş verəcəyini bilmir. Gənc idmançıyam, 20 yaşım yenicə tamam olub. Elə yaş dövründəyəm ki, hər 10 gündən bir məndə dəyişiklik ola bilər. Məsələn, Fransadakı yarışla budəfəki arasında dağlar qədər fərq oldu. Qısa müddətdə güləş üslubum, gücüm daha da yaxşılaşdı. Hər gün məşqlərimi artırıram. Hacı Əiyevlə qarşılaşıb, necə lazımdırsa mübarizə aparıb, ona da qalib gəlmək istəyirəm. Çünki uşaqlıqdan onu izləyirəm, hər zaman göz qabağında olub. İndi isə onu məğlub etmək istəyirəm. Ümid edirəm ki, nə vaxtsa rəqib olarıq.

- Qarşıdakı təsnifat turnirlərinə qatılmaq şansınız var?

- Xeyr, lisenziya turnirlərində Hacı Əliyev güləşəcək.

- Bəs Tokio-2020 Yay Olimpiya Oyunlarında necə, iştirakınız mümkündür? Bu çəkidə Kiyev turnirində qızıl medal qazanan Əli Rəhimzadə də var. Sizcə, bu cür nüfuzlu yarışda gənclərə şans verilə bilər?

- Əlbəttə, iştirak edə bilərəm. Əsas lisenziyanın qazanılmasıdır. Olimpiada ərəfəsində kim güclü olsa, yarışa həmin idmançı gedəcək.

- Yəni, özünüzü olimpiadaya hazır sayırsınız?

Təbii ki. Niyə də olmasın?! Çünki olimpiada iştirakçılarının əksəriyyəti ilə güləşib, onlara qalib gəlmişəm. Bəziləri ilə də təlim-məşq toplanışında üz-üzə gələrək, məğlub etmişəm.

pia.az


Etiket:


Digərxəbərlər

Populyar xəbərlər

Səlim Müslümovun "pensiya islahatı": Əhalinin yarısına pensiya almaq qismət olmur

Bakıda məşhur hosteldə qalan qızların ölümü ilə bağlı təfərrüat

Göyçayda əməliyyat keçirilib, vəzifəli şəxslər saxlanılıb

Azərbaycanda yüksək vəzifəli şəxs vəfat etdi

Mətanət İsgəndərli: “Bakıya qayıtmağı düşünmürəm”

Böyrəkləri bərpa edə biləcək məhsullar hansılardır

Kimsə namusumu ləkələyə bilməz" - Hadisədən Rza Zərrab açıqlamas

Lukaşenkonu “Ənvər Sadat kimi öldürmək” istəyiblər - Video

Qalmaqallı bələdiyyə sədri vəzifəsindən azad edildi

Tarixin zibilxanası - Türkmənbaşının lazımsız büstü ayaqlara dolaşır...

Ən çox oxunanalar