Cümə axşamı, 28 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Ermənilər isterikada - Sülhməramlılar xaricdən gələn erməniləri Qarabağa buraxmır...

Rusiya kontingentinin nəzarətindəki Azərbaycan ərazilərinə xaricdən ermənilərin buraxılması dayandırılıb...

Azərbaycan ərazilərinin Rusiya sülhməramlı kontingentinin məsuliyyət zonasına aid olan hissəsinə-Qarabağın ermənilər yaşayan rayonlarına xarici ölkələrdən ermənilərin və digər şəxslərin buraxılması dayandırılıb. İndi bu ərazilərə kimin daxil ola biləcəyi barədə əvvəlcədən Rusiya sülhməramlılarına siyahı verilməlidir, həmin siyahı isə ola bilsin həm də Azərbaycanla razılaşdırılmalıdır.

Ermənistanın diaspor işləri üzrə Baş səlahiyyətli nümayəndəsi Zare Sinanyan bildirib ki, bu məsələni Rusiya xarici işlər nazirinin müavini Andrey Rudenko ilə görüşündə müzakirə edib. “Rusiya və ya Ermənistan vətəndaşlığı olmayan şəxslər bununla bağlı problem yaşamağa başlayıblar. Bizim böyük diasporumuz var, onlar yayda Ermənistana gəlməyə vərdiş ediblər, Dağlıq Qarabağa da baş çəkməyi sevirlər. Amma bu yay gəlmək istəyənlər indiki rejimə görə bnunu edə bilməyəcəklər”,-Sinanyan deyib.

Onun sözlərinə görə, indi yeni rejim belədir ki, həmin ərazilərə getmək istəyən xarici ölkə vətəndaşları yeddi gün əvvəldən ərizə verməlidir. Həmin ərizələr əsasında siyahı tərtib olunur və Rusiya sülhməramlılarının qərargahına təqdim olunur. “Sonra isə kimin gələ biləcəyi, kimin gələ bilməyəcəyi həll edilir”,-Sinanyan bildirib.

O əlavə edib ki, artıq bir çox xarici təşkilatların və vətəndaşların Rusiya sülhməramlılarının nəzarətindəki ərazilərə daxil olmaq barədə müraciətlərinə rədd cavabı verilib. Və həmin təşkilatların, şəxslərin siyahısı var.

Qeyd edək ki, Qarabağın ermənilər yaşayan ərazilərinə daxil olmaq istəyənlərə rədd cavabının verilməsi həmin siyahının Rusiya sülhməramlıları tərəfindən Azərbaycanla da razılaşdırıldığını təsdiq edə bilər. Rəsmi Bakının bu məsələdə mövqeyi belədir ki, Laçın humanitar dəhlizi ancaq Rusiya sülhməramlılarının məsuliyyət zonasına daxil olan ərazilərdə yaşayan ermənilərin Ermənistana sərbəst gediş-gəlişini təmin etmək üçündür. Nəzərə alanda ki, Dağlıq Qarabağda yaşayan ermənilər müharibədən əvvəl xaricə gedib-gəlmək üçün Ermənistan pasportundan istifadə edirdilər, o zaman Ermənistan pasportu daşıyanların da Laçın dəhlizindən maneəsiz istifadəsi mövcud razılaşma çərçivəsində anlaşılan görünə bilər. Lakin digər xarici ölkələrin vətəndaşlarının Qarabağın Rusiya sülhməramlı qüvvələrinin nəzarətindəki hissəsinə daxil olması artıq Azərbaycanla razılaşdırılmalıdır.

pia.az


Etiket:


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Aprel ayında bu bürcü fantastik pul və yeni vəzifə gözləyir

Məşhur vəkilə qarşı ittiham: 7 min manat pul alıb    

Politoloq: Ukraynadan sonra növbəti qurban Ermənistan seçiləcək...

Sabiq milli təhlükəsizlik naziri Namiq Abbasov vəfat edib

Ərəstun Oruclu: Ermənistanda və Moldovada konfliktlərin qaynar fazaya keçməsini istisna etmirəm...

Azərbaycan XİN Namiq Abbasovun vəfatı ilə bağlı paylaşım edib

Əhməd Əhmədov təcridxanaya qaytarıldı - Bundan sonrakı hüquqi qiymətləndirmə necə olacaq?

Hikmət Hacıyev NATO-nun eks-baş katibi ilə bağlı paylaşım edib: Hesabatına ödənişi əlavə etməyi unudub

“Crocus”da insanları xilas edən Emil Hüseynov və anası baş verənlərdən danışdılar - Video

Ən çox oxunanalar