"Səudiyyə Ərəbistanının vəliəhd şahzadəsi Məhəmməd bin Salman Əl Səudun və krallıq hakimiyyətinin jurnalist Camal Kaşıkçının qətli ilə əlaqəsi yoxdur"
Bunu CNBC telekanalına müsahibəsində Səudiyyə Ərəbistanı xarici işlər naziri Adel əl-Cubeyr deyib.
“Biz açıq-aydın bildirdik ki, Səudiyyə Ərəbistanı hakimiyyətinin buna aidiyyatı yoxdur. Vəliəhd şahzadənin isə heç aidiyyatı yoxdur. Bu, nəzarətdən çıxmış əməliyyat idi. İnsanlar səlahiyyətlərini aşdılar. Bu cinayəti törədənlər məsuliyyətə cəlb olunacaq”, - deyə o vurğulayıb.
Qeyd edək ki, bir müddət əvvəl The Washington Post qəzeti Kaşıkçının qətlinə dair göstərişin Səudiyyə Ərəbistanı vəliəhd şahzadəsi tərəfindən verildiyini iddia edib. (oxu.az)
pia.az