Jurnalistlərin mənzillərinin çıxarışları Əmlak Məsələləri Dövlət Komitəsi tərəfindən yaxın günlərdə təqdim ediləcək...
Jurnalistlərin mənzillərinin çıxarışları yaxın günlərdə təqdim ediləcək.
Bu barədə Əmlak Məsələləri Dövlət Komitəsindən PİA.az-a daxil olan məlumatda bildirilir ki, ölkə rəhbəri, cənab Prezident İlham Əliyevin “Azərbaycan mətbuat işçilərinin sosial müdafiəsinin gücləndirilməsinə dair əlavə tədbirlər haqqında” 2013-cü il 22 iyul tarixli Sərəncamı ilə jurnalistlər üçün inşa edilmiş və onların mülkiyyətinə verilmiş ikinci binada yerləşən mənzillərə dair Çıxarışlar Əmlak Məsələləri Dövlət Komitəsi tərəfindən yaxın günlərdə səyyar mobil qeydiyyat xidməti çərçivəsində həmin binanın həyətində media nümayəndələrinə təqdim ediləcək.
Qeyd edək ki, bir neçə gündür ki, Jurnalistlərin mənzillərinin çıxarışları ilə bağlı qalmaqal yaşanmaqdadır. Daha əvvəl KİVDF rəhbəri Vüqar Səfərli jurnalistlərə verilən mənzillərin “xidməti ev kimi” dəyərləndirməsi ciddi narahatlıq və narazılıq doğurmuşdu. Lakin daha sonra həm KİVDF rəhbəri, həm də Mətbuat Şurasının sədri Əflatun Amaşov bildiriblər ki, bu mənzillər prezidentin jurnalistlərə əvəzsiz hədiyyəsidir və mənzillərə çıxarış veriləcək.
pia.az