Cümə, 29 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Elin Süleymanov: "Ağ Ev Azərbaycanla strateji münasibətlər istəyir"

Erməni lobbisinin və ermənipərəst senatorların əngəl yaratmaq cəhdlərinə baxmayaraq, ABŞ Senatı ötən gün amerikalı diplomat Erl Litzenberqerin Birləşmiş Ştatların Azərbaycandakı səfiri postuna təyinatını təsdiqlədi

PİA.AZ xəbər verir ki, oxu.az-a verdiyi müsahibədə Azərbaycanın ABŞ-dakı Fövqəladə və Səlahiyyətli səfiri Elin Süleymanov ABŞ Senatının bir neçə ölkə səfirinin təyinatını təsdiqlədiyini diqqətə çatdırıb:

“Bu, ABŞ Konqresinin 115-ci sessiyasının sonuncu günündə baş verdi. Bu gündən etibarən yeni çağırış Konqresi öz işinə başlayır. Ona görə də dünən təklif olunan namizədlər (təkcə səfirlər yox, başqa təyinatlar da) təsdiq olunmasaydı, prinsip baxımından yenidən namizədlərlə bağlı dinləmələr keçirmək lazım gələcəkdi. Bu proses isə çox uzana bilər.

ABŞ-ın Azərbaycandakı səfirinin təyinatı məsələsinə gəlincə, qeyd etmək istərdim ki, bu gün dünyanın əksər ölkələrində, o cümlədən, aparıcı Avropa və Asiya ölkələrində mükəmməl olan ABŞ diplomatik nümayəndəlik rəhbəri yoxdur.

Donald Tramp administrasiyasının Azərbaycana səfir təyinatını vacib bilməsi, onun namizədliyini irəli sürməsi və təyinatı Senatın təsdiqinə buraxması, prinsipcə, bizim ölkənin Vaşinqtonun gözündə strateji əhəmiyyətinin göstəricisidir.

İndiki Ağ Ev rəhbərliyi Azərbaycanla normal, strateji, tərəfdaşlıq münasibətlərinin olmasını istəyir. Mən buna nikbinliklə yanaşıram”, - deyə Elin Süleymanov bildirib.

Azərbaycanlı diplomatın sözlərinə görə, çox məsələlər amerikalı səfirin fəaliyyətindən asılı olacaq:

“Bəli, şübhəsiz ki, ABŞ-ın Bakıdakı diplomatik missiyasının rəhbəri Birləşmiş Ştatlar administrasiyasının yürütdüyü siyasətin bir bələdçisidir. Bununla belə, səfirin şəxsiyyəti də böyük əhəmiyyət kəsb edir. Onun işinin pozitiv olacağına, həm Azərbaycan, həm də ABŞ-a xeyir verəcəyinə ümid etmək istərdim”.

Ermənistan lobbisinə gəlincə, müsahibimiz, həqiqətən də, ABŞ-ın Azərbaycandakı səfiri vəzifəsinə namizədə ermənipərəst Senat üzvlərinin köməyi ilə təzyiqlər göstərmək cəhdlərinin olduğunu bildirib:

“Ona təxribat dolu suallar verirdilər, Donald Tramp administrasiyasının ünvanına kəskin tənqidlər səslənirdi. ABŞ-ın erməni icması, xüsusilə daşnakyönümlü qüvvələr, Donald Tramp və onun ötən il Azərbaycan, Gürcüstan və Ermənistanda olmuş milli təhlükəsizlik müşaviri Con Bolton haqqında mənfi fikirlər səsləndirirdilər.

Ancaq bunlara rəğmən, səfirin təyinatı təsdiqlənir, bu isə ABŞ maraqlarının üstün gəldiyini göstərir. Ermənistan diasporu öz əhəmiyyəti barədə dəm vurmağı sevir, bununla belə, vacib qərarlar zamanı ABŞ maraqları digər maraqların fövqündə olur”.

- Azərbaycan, türk, yəhudi lobbiləri Erl Litsenberqerin namizədliyinin təsdiqlənməsinə təsir göstərib? Hər halda, ABŞ-ın Azərbaycandakı səfiri Metyu Brayza ilə bağlı məsələni yaxşı xatırlayırıq, həmin vaxt onun namizədliyi təsdiqlənməmişdi. O, bir ilə yaxın Amerika diplomatik missiyasına rəhbərlik etdi, 2012-ci ilin yanvar ayında isə bu postu tərk etməli oldu, çünki Senat onun təyinatını təsdiqləməmişdi.

- Bilirsiniz, Metyu Brayzanın səfir təyin olunması ilə bağlı kazus bu prosedurun həmin vaxt nə dərəcədə səriştəsiz aparıldığını göstərdi. ABŞ tərəfi hazırda həmin arzuolunmaz insidentin təkrarlanmasını istəməzdi.

Ona görə də bütün səylər Azərbaycana səfirin təyinatının təsdiqlənməsinə yönəldi. Düşünmürəm ki, Azərbaycan, türk və ya yəhudi lobbiləri bu prosesə aktiv şəkildə cəlb olunub. Bu, hər halda ABŞ üçün daxili məsələdir. ABŞ tərəfi səfir vəzifəsinə namizədləri özü seçməlidir. Bu, ABŞ administrasiyasının tapşırığıdır və bir daha qeyd edirəm ki, Birləşmiş Ştatların daxili prosedurudur.

Onu da vurğulamaq istəyirəm ki, ABŞ administrasiyası Azərbaycanın strateji rolunu və müəyyən təcrübəsi olan diplomatın bizim ölkəyə səfir təyin olunmasının vacibliyini yaxşı anlayır. Bu kontekstdən yanaşsaq, Azərbaycan, türk və (bizi dəstəkləyən) yəhudi lobbisinin informasiya dəstəyinin müəyyən rol oynadığını demək olar.

pia.az



Şərh yazın.


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

“Verdiyi koordinatlar o qədər dəqiq idi ki...” - Döyüş yoldaşları Milli Qəhrəman haqqında - Video

BMT Baş katibi azərbaycanlı diplomatı yüksək vəzifəyə təyin edib

Uçot dərəcəsi endirilir, amma kredit faizləri azalmır. Nədən...

Məşhur avtomobil markasının Azərbaycanda istehsalına başlanıldı    

Bakıda “Prius”ların kütləvi satışına başlanıldı - Foto    

Fələstinin yeni xarici işlər naziri ermənidir...

Alen Simonyan və Sahibə Qafarova arasında keçiriləcək növbəti görüşün tarixi məlum olub

Şəkidə 26 yaşlı gənc sirkə turşusundan zəhərlənib

Aygün Kazımova ilə Namiq yenidən məşhur dueti oxudu - Video

Ən çox oxunanalar