Rusiya Federasiyasının Baş naziri Mixail Mişustin videokonfrans formatında MDB ölkələrinin hökumət başçıları ilə koronavirusun yayılmasına qarşı mübarizə üzrə birgə səyləri müzakirə edəcək...
“Report” TASS-a istinadən xəbər verir ki, bu barədə Rusiya Federasiyası hökumətinin mətbuat xidməti məlumat yayıb.
Məlumatda qeyd edilir ki, videokonfransda Azərbaycanın Baş naziri Əli Əsədov da iştirak edəcək.
"Güman edilir ki, hökumət başçıları MDB çərçivəsində qarşılıqlı iqtisadi fəaliyyətin aktual məsələlərinə, həmçinin koronavirus infeksiyasının yayılması ilə mübarizə üzrə birgə səylərə diqqət ayıracaqlar", - Rusiya Nazirlər Kabinetinin xəbərində deyilir.
MDB hökumət başçılarının şura iclasının gündəliyinə 15 məsələ daxildir. Onların arasında MDB ölkələrinin ticarət-iqtisadi əməkdaşlığının əsas oriyentrlərini müəyyən edən 2030-cu ilə qədər iqtisadi inkişaf strategiyası layihəsi, həmçinin birləşmə çərçivəsində bir sıra başqa sənədlər var.
Videokonfransda kooperasiya və iqtisadi, nəqliyyat-logistika, energetika, mədəni-humanitar sferamövzular müzakirə ediləcək. İclasın nəticəsinə görə nəqliyyat, energetika, təhsil, mədəniyyət, gənclər siyasəti, bədən tərbiyəsi və idman sferalarında qarşılıqlı fəaliyyətin inkişafı haqqında birgə sənədlərin qəbulu nəzərdə tutulur.
Bu il MDB-yə Özbəkistan sədrlik edir, buna görə iclasıhəmin ölkənin Baş naziri Abdulla Aripovun sədrliyi ilə keçəcək. A.Aripovdan, M. Mişustindən, Azərbaycanın Baş naziri Əli Əsədovdan başqa iclasda həmçinin, Belarusunhökumət rəhbəri Sergey Rumas və digər ölkələrin baş nazirləri, hökumət başçılarının müavinləri iştirak edəcəklər.
pia.az