Hakim Yeni Azərbaycan Partiyasının (YAP) 5 martda növbədənkənar qurultaya gedəcəyi ilə bağlı məlumat var. Hakim partiya yayılan informasiyanı nə təkzib, nə də təsdiq edib. Hətta YAP-ın parlament təmsilçiləri olan deputatlar da mətbuata açıqlamalarında qurultaydan xəbərsiz olduqlarını bildiriblər. Bugünlərdə isə daha bir məlumat yayılıb. Bildirilib ki, YAP qurultayı 200 nəfərlə qapalı formada keçirəcək.
Cebhe.info-ya daxil olan məlumata görə isə qurultayın gizli saxlanılması YAP-dan yola salınacaq şəxslərlə bağlıdır. Belə ki, Baş nazirin müavini, YAP Sədrinin müavini – icra katibi Əli Əhmədov, Azərbaycan Respublikasının Dini Qurumlarla İş üzrə Dövlət Komitəsinin sədri, YAP İcra katibinin müavini Mübariz Qurbanlı, Milli Məclisin Regional məsələlər komitəsinin sədri, YAP-ın İdarə Heyətinin üzvü Siyavuş Novruzov növbədənkənar qurultayda yeniləri ilə əvəzlənəcək.
İddia olunur ki, YAP rəhbərliyində tamamilə yeni komanda təmsil olunacaq.
pia.az
Digərxəbərlər
Populyar xəbərlər
