“Elçibəyə “KQB agenti” demək sadəcə Allahsızlıqdır” – Aslan İsmayılov

Bunu hüquqşünas Aslan İsmayılov deyib. O, bildirib ki, həmin vaxt bu barədə fikrini bölüşdüyü müxalifət nümayəndələri hər dəfə onu çox vətənpərvər bir insan kimi təsvir edib onu çaşbaş salırmışlar:

“Artıq 2000-ci illər onun kimliyi mənə dəqiq bəlli olduqdan sonra bu barədə konkret faktları göstərməklə müxalifət lidelərinə və fəallarına bu barədə açıq bildirməyə başladım. Onlar mənimlə söhbətdə sussalar da Leyla ilə dost münasibətlərini davam etdirib dediklərimi də bəzəkli şəkildə ona çatdırırdılar.

Ona görə də Leyla Yunus həmişə mənə nifrət edib. Onun haqqında cinayət işi qaldırılanda onu müdafiə etməklə bərabər işlətdiyi ifadələrə, gənc polis zabitinin papağını götürüb yerə atmasına çox yüngül formada irad bildirdim”.

A. İsmayılov qeyd edib ki, bu iradından sonra Ənnağı Hacıbəyli, İntiqam Əliyev və Xədicə İsmayılın başçılığı ilə haqqında qarayaxma kampaniyasına başlanıb: “Palaz- palaz yazdılar, təhqir etdilər. Motivlərini özləri deməsələr də, mənə aydın idi. O vaxtlar qrant paylayan Leyla Yunus idi.

Onlarla dostluq edən birisi bu barədə mənə belə demişdi: “Mən onlara Leyla Yunusun kimliyi ilə bağlı deyəndə cavab verdilər ki, sus, Leyla bizim bütün qrantlarımızı kəsər”.

İndi yenidən həmin şəxslərə müraciət edirəm, Leyla Yunusun rəhmətlik Əbülfəz Elçibəyə “KQB agenti” deməsinə niyə susursunuz? Axı siz hamınız “bizim yol M.Ə.Rəsulzadə və Ə.Elçibəy yoludur” şüarını 20 ildir səsləndirirsiniz, onun məzarını ziyarət etməyə növbəlik düzəldirsiniz. İndi axı qrant yoxdur, niyə səsinizi çıxartmırsınız?

Bu gün Leyla Yunusun bu böhtanına susmağın bircə səbəbi var - gözükölgəlilik. Qorxursunuz ki, Leyla sizin paxırınızı açar. Bütün səhvləri ilə bir yerdə rəhmətlik Ə.Elçibəy bütün ömrünü bu xalqa sərf etdi, hamı üçün Vətəninə, xalqına sevginin, gözütoxluğun nümunəsini göstərdi. Bu gün ona “KQB agenti” demək sadəcə Allahsızlıqdır”.(yeni sabah)

pia.az