Əfsanəvi basketbolçu Kobi Brayant və 13 yaşlı qızı helikopter qəzasında ölüb - Foto,Video

Apasport.az saytının məlumatına görə, Milli Basketbol Assosiasiyasının (MBA) tarixinə düşən amerikalı idmançı helikopter qəzasında həyatını itirib.

41 yaşlı veteran basketbolçu helikopterin ABŞ-ın Los-Anceles şəhəri yaxınlığında yerə çırpılması nəticəsində ölüb. Onunla bərabər helikopterdə olan digər dörd şəxs – K.Brayantın üç dostu və pilot da qəzanın qurbanı olub. Helikopterin yerə çırpılması nəticəsində yanğın baş verdiyi bildirilir.

Qeyd edək ki, karyerasını 2016-cı ildə başa vuran K.Brayant karyerası ərzində yalnız bir klubda – “Los-Anceles Leykers”də oynayıb. 5 dəfə MBA çempionu olan basketbolçu yarışın tarixində ən çox xal toplayan 4-cü bombardirdir.

Məlumat üçün bildirək ki, qəzada həlak olanlarla bağlı müxtəlif rəqəmlər səsləndirilsə də, Los-Anceles Şerifi Aleks Villanuevanın sözlərinə görə, helikopterdə 9 nəfər olub və onalrın hamısı ölüb.

***

Məşhur basketbolçu Kobi Brayantın 13 yaşlı qızı Gianna Brayant da bu gün baş verən helikopter qəzasında həyatını itirənlər arasında olub.

APA-nın “New York Times”a istinadən verdiyi xəbərə görə, qəza nəticəsində helikopterdə olan digər üç şəxs - helikopterin pilotu, Giannanın komanda yoldaşı və onun valideyni qəza nəticəsində ölüb.

Qeyd edək ki, Gianna da atası kimi basketbolçu olub. Onların helikopterlə məşqə getdikləri güman edilir.

pia.az