Əfqanıstanın Qəzni əyalətində hərbi hissənin yaxınlığında minalanmış avtomobil kamikadze tərəfindən partladılıb.
PİA.az xəbər verir ki, bu barədə Ariana News məlumat yayıb.
Əfqanıstanın Qəzni şəhərində baş verən partlayış nəticəsində azı 26 nəfər ölüb, 16 nəfər yaralanıb. Bildirilir ki, qurbanların və yaralananların hamısı Əfqanıstan ordusunun əsgərləridir.
İlkin məlumata görə, Əfqanıstan Silahlı Qüvvələrinin bazasının yaxınlığında partlayıcı ilə dolu avtomobil partlayıb. Qeyd edilir ki, partlayışdan əvvəl atışma olub.
Əfqanıstanın bu bölgəsində fəaliyyət göstərən ekstremist qrupların heç biri hələ baş verənlərə görə məsuliyyəti öz üzərinə götürməyib.
pia.az
Digərxəbərlər
Populyar xəbərlər
