Bazar ertəsi, 13 İyul 2020
USD : 1.7
EUR : 1.8724
Hava
+16 ° Baku
+8 ° Quba
+8 ° Qusar
+16 ° Gəncə
+11 ° Lənkəran
+18 ° Naxçıvan
+12 ° Salyan
+16 ° Şəki

Dünyaya nümunə olan ASAN Azərbaycan modeli

Səbuhi Məmmədli yazır...

“Mən Azərbaycanı sevirəm. Bakıya vurulmuşam. Sizin şəhərdə ilk dəfə 4 il əvvəl olmuşdum. Mənə “ASAN xidmət” barədə danışdılar. Ora apardılar. Heyrətə gəlmişdim. Bu, möcüzə idi. İnsanlar heç bir bürokratik əngəllər olmadan 10 dəqiqənin içində problemlərini həll edirdilər. Onda özümə söz verdim: mən şəhərimdə bunu quracam”.

Svetlana Openışeva deyir bunları, Rusiyanın Ulyanovsk vilayəti hökumətində Çoxfunksiyalı Xidmət Mərkəzinin baş direktoru. Dünyaya nümunə olan “ASAN xidmət” modelini indi Ulyanovskda tətbiq etmək istəyir. Hə, necə deyərlər, üzümüz-gözümüz öyrəşdiyi, indi bizim üçün adiləşən “ASAN xidmət”i. O “Asan xidmət ki, prezident İlham Əliyev onu “inqilab” adlandırmışdı. Prezidentdən sitat: “ASAN xidmət” Azərbaycan məhsuludur. Bu, ictimai xidmətlər sektorunda çox ciddi bir irəliləyişdir. Əslində, böyük bir inqilabdır”.

Xanım Openışeva ilə sosial şəbəkədə tanış olmuşdum. Düzü, “ASAN xidmət” kimi, özü demişkən möcüzəni öz vilayətində təbiq etmək arzusu bu sətirləin müəlifini çox qürurlandırmışdı.

Amma rusiyalı məmur xanımdan çox əvvəl dünyanın ən ali qurumu “Asan xidmət”lə bağlı önəmli araşdırma aparmışdı.

Söhbət BMT-dən gedir. Hə, 2017-ci ildə BMT-nin İnkişaf Proqramı tərəfindən 2016-cı ildə “Dövlət xidmətlərinin göstərilməsi sahəsində araşdırılma aparılmış “Vahid məkan prinsipi əsasında dövlət xidmətlərinin göstərilməsi modeli: Azərbaycanın nümunəsi” (One Stop Shop Public Service Delivery Model: The Case of Azerbaijan) adlı analitik araşdırma hazırlanmışdı. Araşdırmada Azərbaycanın “ASAN xidmət” modelinin yaradılmasının əsasları, konsepsiyası, fəaliyyət prinsipləri, innovativ üstünlükləri və əsas nailiyyətlərinin nəzəri və praktiki aspektlərindən bəhs edilir, dövlət xidmətlərinin göstərilməsinin müasirləşdirilməsində maraqlı olan ölkələrə “ASAN xidmət” təcrübəsinə əsaslanan tövsiyələr verilirdi.

“ASAN xidmət” BMT-nin Dövlət Xidmətləri Mükafatının qalibi kimi dövlət xidmətlərinin göstərilməsi sahəsində qabaqcıl təcrübə kimi beynəlxalq səviyyədə tanındı və dünyanın bir çox ölkələri tərəfindən ətraflı öyrənildi, tətbiq edildi.

Elə Prezident İlham Əliyev Ağcabədidə “ASAN Həyat” kompleksi açılışında bir sıra məslələrə toxundu ki, onlardan da biri “ASAN Xidmət”in timsalında ölkəmizin ictimai xidmətlər sahəsində inqilabi dəyişikliklər baş verməsi barədə vurğuladğı məqamlar idi.

Prezident bildirdi ki, artıq ölkədə ASAN xidmət mərkəzlərinin sayı 19-a çatıb və daha 8 mərkəzin tikintisi davam edir. Prezident qeyd etdi ki, bütün ölkə üzrə “ASAN xidmət” mərkəzləri yaradılmalıdır və bütün vətəndaşlara keyfiyyətli xidmətlər göstərilməlidir. Sitat: “Biz bu işi ardıcıllıqla görürük. Bu gün bu mərkəzin işinə start verərkən gördüm ki, “ASAN xidmət”in fəaliyyətə başladığı dövrdən indiyə qədər təxminən 38 milyon müraciət olmuşdur. “ASAN xidmət”in fəaliyyətini ən gözəl əks etdirən fakt odur ki, vətəndaşların bəyənmə dərəcəsi 99,4 faizdir. Demək olar ki, 100 faiz vətəndaşlarımız “ASAN xidmət” mərkəzlərindən məmnundurlar. Bu da təbiidir. Əslində bizim niyyətimiz də, istəyimiz də insanlar üçün çox gözəl, rahat və şəffaf xidmət yaratmaqdır. Biz buna nail ola bildik».

Prezident haqlıdır: Azərbaycan insanına məhz rahat və şəffaf xidmət. “ASAN xidmət” vətəndaşlara dövlət və özəl xidmətləri vahid məkandan göstərilməsini təmin edən nadir bir modeldir və e-hökumətin əhəmiyyətli tərkib hissələrindən biridir. Mərkəzlərin fəaliyyəti operativlik, şəffaflıq, nəzakətlilik, məsuliyyət və rahatlıq prinsipləri əsasında qurulub.

Xidmətlərin göstərilməsində innovativ metodlar vətəndaşlara vaxtlarına və vəsaitlərinə qənaət etməyə imkan verir. Belə ki, vahid mərkəzi ziyarət edən vətəndaşlar onlarla dövlət və özəl təşkilatlar tərəfindən göstərilən müxtəlif xidmətlərdən istifadə edə bilərlər.

Mərkəzlərdə həyata keçirilən bütün əməliyyatlar videomüşahidə kameralarının vasitəsilə qeydiyyata alınır. Beləliklə, bürokratik maneələr və korrupsiya halları tam aradan qaldırılır.

Heç kimə sirr deyil ki, “ASAN Xidmət” cənab Prezidentin təşəbbüsü ilə yaradılan layihədir. Prezident daim “ASAN Xidmət”in təkmilləşdirilməsi və fəaliyyətini genişləndirməsinə xüsusi diqqət ayırır. Artıq bölgələrimizin çoxunda – son olaraq Ağcabədidə vətəndaşlarımız “ASAN Xidmət”dən istifadə etməyə başlayıblar.

Təsadüfi deyil ki, “ASAN xidmət”in fəaliyyəti Azərbaycanda innovasiyaların inkişafına da çox böyük təkan verib. Cənab Prezidentin də vurğuladığı kimi, bu innovasiyaları məhz gənclər təqdim edir. Bu, o deməkdir ki, Azərbaycan gənci yüksək intellektə malikdir. “ASAN xidmət” mərkəzlərində əsas işçi personalı da gənclərdən ibarətdir.

Elə Azərbaycanda könüllülər hərəkatı da “ASAN xidmət”dən başlayıb və bu gün böyük bir hərəkata çevrilib. Könüllülər sabahın rəhbərləri kimi formalaşacaq və gələcək karyeralarında uğur qazanacaqlar.

Prezident Ağcabədidəki çıxışında onu da bildirdi ki, “ASAN xidmət”in timsalında “bizim müasir yanaşmamız görünür”. Sitat: “Onu görürük və sübut edirik ki, korrupsiya ilə, rüşvətxorluqla nəinki mübarizə aparmaq mümkündür, uğur qazanmaq mümkündür”.

Və heç kimə sirr deyil bu uğurun banisi isə məhz dövlətimizin başçısın özüdür.

pia.az

Şahidi olduğunuz hadisələrlərlə bağlı məlumatları, foto və videoları bizim whatsapp nömrəmizə yollamağınızı xahiş edirik: 0554231627



Digərxəbərlər

Prezident İlham Əliyev xalqa yenə çağırış etdi

“Əli Həsənovun qudası oğurladığı milyardlardan bir neçə milyonunu xalqa ayırmalıdır” - Aslan İsmayıliv

Populyar xəbərlər

Qüdrət Həsənquliyev Azərbaycanda çevriliş barədə yayılan şaiyələrdən danışıb

Azərbaycan Ordusu ermənilərin daha bir postunu ələ keçirdi - Foto

Azərbaycan belə talanır: 70 yaşlı məmurun milyonluq seyrəngahı… – Fotolar

Ermənistan ordusunun 30-dan çox əsgəri öldürülüb - Fotolar

Ermənistanla sərhəddə döyüş gedir, hər iki tərəfdən itki var - Müdafiə Nazirliyi

Deputatın diplomat kürəkəni ABŞ-a qaçıb? - İddia

Dəbdəbəli bağlarında sıxılan “ağlar”ın məsləhəti ilə Türkiyəyə hava yolu açılıb

MN: İtki verən düşmən geri otuzdurulub - İki şəhidimiz var

Partiya sədrindən Mehdiyev və Məmmədyarova şok ittihamlar... 

Müdafiə Nazirliyi şəhidlərimizin adlarını açıqladı

"Kabinetinə əyilə-əyilə girənlər üstünə daşla gələcək" - Ramiz Mehdiyevlə bağlı daha bir açıqlama 

loading...

Ən çox oxunanalar