Diplomatik korpusun nümayəndələri Qubadlı şəhərinin mərkəzində olublar.
PİA.az-ın xəbərinə görə, Prezident köməkçisi Hikmət Hacıyev bildirib ki, rayon işğal dövründə elə dağıdılıb ki, onun mərkəzinin harada yerləşdiyini müəyyən etmək belə çətindir. O deyib ki, yaşayış binaları dağıdılıb yalnız hərbi məqsədlər üçün işğal dövründə Ermənistan tərəfindən istifadə olunan binalar tikilib.
H. Hacıyev Qubadlının işğal tarixi barədə diplomatları məlumatlandırıb.
"Qubadlının və Zəngilanın işğalı çox çətin şəraitdə baş verib. Cəbrayıl və Füzuli işğal olunduğu üçün bu rayonlarda yaşayan insanların rayonu tərk etməsi çətin idi, onlar mühasirəyə alınmışdı. Belə bir şəraitdə mülki əhalinin çox hissəsi Araz çayı üzərində İranın yaratdığı humanitar dəhliz vasitəsilə çıxmaq məcburiyyətində qaldılar. Onların bir çoxu da Araz çayında öz həyatlarını itirdilər. Bu da Ermənistanın Azərbaycanın mülki əhalisinə qarşı işğal prosesi çərçivəsində törətdiyi qırğın siyasətinin tərkib hissəsi idi.
Ekspert qrupları Qubadlıda olublar və burda törədilən dağıntıları qiymətləndiriblər", - H. Hacıyev deyib.
O həmçinin əlavə dib ki, bu şəhər Azərbaycan üçün tarixi və mədəni baxımdan önəmlidir bu şəhərdə çoxsaylı dini mədəni abidələr olub lakin bu abidələr dağıdılıb: "Cəbrayılda mən xüsusilə dağıdılan qəbiristanlıqlar barədə danışmaq istərdim. Hədəflənmiş şəkildə evlər və mülkiyyətlərlə yanaşı biz qəbiristanlıqların da dağıdılmasının şahidiyik".
Daha sonra birinci vitse-prezidentin köməkçisi Elçin Əmirbəyov 1993-cü ildə XİN əməkdaşı olaraq Qubadlıya son səfəri barədə danışıb.
O bildirib ki, əhalinin əksəriyyəti həmin dövrdə rayonu tərk etmək istəmirdi:
"Rayon coğrafi baxımdan çox strateji bir yerdə yerləşir. Rayon 1988-ci ildə Ermənistanda qovulan azərbaycanlıları qəbul edən ilk rayonlardan biri idi.
Əhali rayonu müdafiə edirdi, lakin həm Qarabağdan və həm də Ermənistan ərazisində yerləşən Qafan şəhərindən davamlı artilleriya atəşinə məruz qalan rayon sakinləri həyatlarını xilas etmək üçün öz evlərini tərk etməyə məcbur oldu".
E. Əmirbəyov onu da deyib ki, müharibə dönəmində Qubadlının əhalisi təxminən 29000 nəfər idi lakin keçən illər ərzində rayonun əhalisinin sayı artaraq 40 000-i keçib.
"Mən əminəm ki, bu insanların arzusu öz ata yurdlarına qayıtmaqdır", - deyə o vurğulayıb.
Fotolar
pia.az
Digərxəbərlər
Populyar xəbərlər
