“Baş rollarından birini ifa etdiyim “Qış nağılı” təqdim olundu. Tamaşaçılar çox bəyəndi. Gülməli filmdir. Bütün hadisələr mənim nişan günümdə baş tutur. Mükəmməl işdir. Hər insan öz yaşadıqlarından orada fraqmentlər görə bilər”
Bu sözləri musavat.com-a açıqlamasında Oksana Rəsulova deyib.
O, prodüserliyini etdiyi “Sevgi romanı” filmindən də danışıb: “Filmin treylerini təqdim etdik, gözəl reaksiya aldıq. Rolları mən, Azər Aydəmir, Şəhriyar Əbilov, Zümrüd Bədəlova, Cavid Sərbalayev və başqaları canlandırır. Ssenarisi Azər Aydəmirə məxsus olan ekran işinin baş prodüseri mənəm. Treylerdə ən çox diqqət çəkən hissə mənim söyüş söydüyüm yerdir. Mən o sözləri elə-belə deməmişəm. Tamaşaçı filmə baxandan sonra deyəcək ki, hələ az demisən. Gərək, ondan da pis söyərdin. Amma real həyatda mən söyüş söyə bilmirəm. Cəhd etsəm də, pis səslənər. Amma filmdəki hadisə bunu tələb elədi".
Rəqqasə rəqsdən uzaqlaşmadığını xüsusi vurğulayıb: "Əsla rəqslə vidalaşa bilmərəm. Bu yaxınlarda rəqslə bağlı möhtəşəm layihəyə imza atacağam".
pia.az