Çərşənbə, 21 Aprel 2021
USD : 1.7
EUR : 1.8724
Hava
+16 ° Baku
+8 ° Quba
+8 ° Qusar
+16 ° Gəncə
+11 ° Lənkəran
+18 ° Naxçıvan
+12 ° Salyan
+16 ° Şəki
En

Dərman Agentliyi: Qan laxtalanması "AstraZeneca"nın çox nadir yan təsiridir

Avropa Dərmanlar Agentliyi "AstraZeneca" peyvəndinin xeyrinin riskləri üstələdiyini təsdiqləyib.

Avropa Dərmanlar Agentliyinin təhlükəsizlik komitəsi (PRAC) araşdırmalardan sonra qan laxtalarının "Vaxzevria"nın (əvvəlki adı "AstraZeneca") çox nadir yan təsirləri olduğu qənaətinə gəlib.

Agentlik ekspert qrupunun tövsiyələri də daxil olmaqla, hazırda mövcud olan bütün dəlilləri araşdırma və qiymətləndirmə prosesində nəzərə alıb.

Dərmanlar Agentliyi bildirib ki, səhiyyə işçiləri və peyvənd alan şəxslərə peyvənddən sonra 2 həftə ərzində çox nadir görülən qan laxtalanmasının aşağı qan trombositləri ilə birləşmə ehtimalından xəbərdar olmalıdır. "İndiyə qədər qeydə alınan halların əksəriyyəti peyvənd inyeksiyasından 2 həftə sonra 60 yaşınadək qadınlarda meydana gəlib. Hazırda mövcud olan dəlillərə əsasən, xüsusi risk faktorları təsdiqlənməyib".

Avropa Dərmanlar Agentliyinin təhlükəsizlik komitəsi qan laxtalanmalarının beyindəki qan damarlarında (serebral venoz sinus trombozu, CVST), qarında (splanxnik damar trombozu) və arteriyalarda, aşağı qan trombositləri və bəzən qanaxma şəklində meydana gəldiyini bildirib.

Komitə araşdırma və qiymətləndirmə prosesində martın 22-nə qədər Aİ-nin dərman təhlükəsizliyi məlumat bazasına (EudraVigilance) daxil edilmiş 62 beyin venoz sinus trombozu və 24 splanxnik damar trombozu halını araşıdırıb, bu tormbozlardan 18-i ölümcül olub.

"COVID-19 xəstəxanaya yerləşdirmə və ölüm riski daşıyır. Qan laxtaları və aşağı qan trombositlərinin birləşməsi çox nadirdir. "AstraZeneca" peyvəndinin COVID-19-un qarşısının alınmasında göstərdiyi ümumi faydaları yan təsirlərindən, onun risklərindən çoxdur".

Dərmanlar Agenliyinin ekspertləri bildiriblər ki, qan laxtalarının və aşağı qan trombositlərinin birləşməsi immunitetin reaksiyası kimi izah edilə bilər. Bu hal heparindən müalicə olunan xəstələrdə də müşahidə olunur.

Təhlükəsizlik Komitəsi risk olan halda təcili mütəxəssis müalicəsinin vacibliyini vurğulayır. Bildirilir ki, qan laxtalarının və aşağı qan trombositlərinin əlamətlərini tanıyaraq və onları erkən müalicə edərək, səhiyyə işçiləri xəstələrin ağırlaşmasının qarşısını ala bilər.

Avropa Dərmanlar Agentliyinin Təhlükəsizlik Komitəsi "AstraZeneca"peyvəndi inyeksiya edilən şəxsin aşağıda qeyd olunan əlamətləri hiss etdikdə dərhal həkimə müraciət etməsi barədə xəbərdarlıq edib.

Bu əlamətlər nəfəs darlığı, sinədə ağrı, ayaq şişməsi, qarın nahiyəsində davamlı ağrı, şiddətli və davamlı baş ağrıları və ya bulanıq görmə kimi nevroloji simptomlar, inyeksiya yerindən kənarda dəri altındakı kiçik qan ləkələridir.(apa)

pia.az


Etiket:


Digərxəbərlər

Populyar xəbərlər

Sülhməramlıların hərbi parad keçirməsi beynəlxalq qaydalara nə qədər uyğundur?..

Aeroport yolunda qəzada ölən və xəsarət alanların adları məlum olub - Yenilənib

Vilayət Eyvazov deputatın oğluna yeni vəzifə verdi

Vilyam Hacıyevin ailəsi 124 manata kirayə yaşadığı yataqxanadan çıxarıldı - Foto

Azərbaycanın KTMT-yə üzvlüyü qaçılmaz bir məcburiyyətə çevrilə bilərmi? - Müsahibə

Ramiz Mehdiyevin işdən çıxardığı əməkdaş başqa vəzifəyə təyin olundu

Rüşvətə görə həbs edilən icra başçısının əmlakına həbs qoyulub

"Kurtlar vadisi"nin "Güllü"sü Hərbi Qənimətlər Parkında - Foto

İlham Əliyev pambıq tarlasında səpin prosesini izlədi - Yenilənib, Fotolar

Müavinət, təqaüd və kompensasiyanın təyin olunması üçün müraciət qaydası dəyişir

Ən çox oxunanalar