Şənbə, 27 Noyabr 2021
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki
En

Deputat qızının bağçasında nə baş verib? - Türkiyə vətəndaşı təfərrüatları açıqladı

Ana Vətən Partiyasının (AVP) sədri, deputat Fəzail Ağamalının qızı Günay Ağamalının rəhbərlik etdiyi "Buta” bağçası ilə bağlı qalmaqal davam edir.

Qalmaqalın kökündə Türkiyə vətəndaşı Abdurrahman Kumaşın 7 yaşlı daun sindromlu övladının bağçada xəsarət alması, eyni zamanda vəd edilən dərslərin keçirilməməsidir. Bu məsələ hazırda tərəflərin qarşılıqlı şikayəti əsasında Nərimanov Rayon Polis İdarəsində araşdırma mərhələsindədir.

Qeyd edək ki, Günay Ağamalı baş verənlər barədə mediaya açıqlamasında qarşı tərəfin onu şantaj etdiyini bildirib.

Abdurrahman Kumaş isə Qaynarinfo-ya açıqlamasında bu iddianın əsassız olduğunu deyib:

"Mən bu barədə mediaya hər hansı açıqlama verməmişəm. Mətbuatda bizim polisə müraciət etdiyimiz barədə məlumat dərc olunub. Bu məlumatı hardan aldıqlarını bilmirəm. Günay Ağamalı isə həmin sayta bizim guya onu şantaj etdiyimizi bildirib. Halbuki, məsələ tamamilə başqa cürdür. Məsələ burasındadır ki, ödəniş etməyimizə baxmayaraq, vəd edilən dərslər (loqoped, gimnastika və s.) keçirilməyib. Mən də bununla bağlı Günay xanıma müraciət etmişəm. O isə ödənişi qaytarmaq üçün xanımımla həm telefon, həm də "WhatsApp” üzərindən danışıqlar aparıb və pulu geri qaytarmağa razılaşaraq sentyabrın 9-na saat 17.00-a "Buta” bağçasında görüş təyin edib”.

Abdurrahman Kumaşın sözlərinə görə, razılaşmaya baxmayaraq, Günay Ağamalı polisə müraciət edib.

Türkiyə vətəndaşı əlavə edib ki, əslində onların tələbi vəd edilən dərslərin keçirilməsidir. Abdurrahman Kumaş övladının bağçada xəsarət almasına toxunaraq bildirib ki, artıq bu fakt sübuta yetirilib:

"Artıq bununla bağlı ekspert rəyi var. Rəyi Səhiyyə Nazirliyi Məhkəmə-Tibbi Ekspertiza və Patoloji-Anatomiya Birliyinin Nərimanov şöbəsi verib. Mənim övladım daun sindromludur. Buna baxmyaraq, bağçanın rəhbərliyinin məsuliyyətsizliyi üzündən övladım xəsarət alıb. Daun sindromlu uşaqlar birinci vitse-prezident Mehriban Əliyevanın himayəsindədir. Ona görə bu məsələ ilə bağlı Mehriban xanıma da müraciət etmişik. Günay Ağamalı deputat qızı ola bilər. Amma bu ölkənin qanunları var. Biz qanun çərçivəsində hüquqlarımızı qoruyuruq. Heç kimi şantaj etmirik və belə bir niyyətimiz də yoxdur. Ona görə biz də polisə müraciət etmişik, araşdırıb obyektiv qərar veriləcəyinə inanırıq. Bir məqamı da təəssüflə qeyd etmək istəyirəm ki, Fəzail Ağamalı deputat olmasına baxmayaraq, baş verənlərin təfərrüatlarını bilmədən haqsız fikirlər səsləndirb”.

Günay Ağamalı isə Qaynarinfo-ya açıqlamasında qarşı tərəfin haqsız olduğunu deyib:

"Artıq aylardır müəssisəmizə qarşı şər, böhtan, qarayaxma, qərəzli mövqedə olan Akmer Kumaşın valideyni Aynur Kumaş haqda müraciət etdiyim şikayət əsasında istintaq aparılır. Əminəm ki, istintaqın nəticələri obyektiv olacaq və bizə qarşı qərəzli mövqedə olan vətəndaş Azərbaycan qanunları qarşısında cavab verəcək.”.

pia.az


Etiket:


Digərxəbərlər

Populyar xəbərlər

Elman Rüstəmovun yerinə seçilən Mahir Məmmədov kimdir? - Dosye

Sabir Rüstəmxanlı AzTV və əməkdar artisti tənqid etdi - Video

Paşinyan: “30 ildir özümüzü aldatmışıq, Qarabağın Azərbaycana aid olması ilə barışmalıyıq...”

Kirayələrdə çürüyən əməkdar artist ölüm ayağında - Xanımından dəhşətli sözlər

Soçidə İlham Əliyev və Vladimir Putin arasında ikitərəfli görüş keçirilib - Video, Yenilənib

Soçi görüşündən gözləntilər... - Rusiyaya Azərbaycanla Ermənistan arasında davamlı sülh lazımdır?

Rusiya Prezidenti, Azərbaycan Prezidenti və Ermənistanın baş naziri mətbuata bəyanatla çıxış ediblər - Yenilənib, Foto, Tam mətn

Prezident İlham Əliyevin Soçiyə işgüzar səfəri başa çatıb - Yenilənib

Ən çox oxunanalar