Daha bir qadın zorakılığa məruz qalıb - Abşeronda

PİA.az xəbər verir ki, cinayət işi baxılması üçün Abşeron rayon Məhkəməsinə göndərilib.

İş araşdırılması üçün hakim Vaqif Həsənovun icraatına verilib. Məhkəmənin hazırlıq iclası yanvarın 9-na təyin olunub.

İttihama görə, hadisə Xırdalan şəhərində baş verib. Yaqub Qurbanov arvadı Əsliyə dəfələrlə işgəncə verib. O, arvadını döyüb və digər zorakılıq hərəkətləri edib. Ərinin bu hərəkətlərindən bezən Əsli özünü öldürüb.

İstintaq araşdırması zamanı Əslinin özünü öldürməsində əri Yaqub Qurbanov günahkar bilinib. O, hüquq-mühafizə orqanlarının əməkdaşları tərəfindən həbs edilib.

İstintaq orqanı tərəfindən Yaqub Qurbanovun barəsində Cinayət Məcəlləsinin 125-ci (özünü öldürmə həddinə çatdırma) maddəsi ilə ittiham elan edilib.

pia.az