Ceyhun Bayramov bunları bilsə yaxşıdır...

Son bir ayda Ağdam təhsili ilə bağlı silsilə olaraq araşdırma yazıları ilə çıxış edirik. Artıq bu yazı 13-cü yazıdir. Sosial şəbəkələrdə bəzən rayon Təhsil Şöbəsinin müdiri Mətanət Misirxanovanın tabeçiliyində çalışanlar mənə irad bildirirlər ki, Ağdam təhsilindən niyə bu qədər çox yazıram. O, şəxslərə bildirmək istəyirəm ki, Ağdam təhsili ilə bağlı əlimdə olan faktların heç onda birin yazmamışam. Hər yazımdan sonra sonra yeni-yeni faktlar, məlumatlar göndərirlər. 135 məktəbin 95 faizi çirkabin içində batır. 10-11 ci siniflərdəki şagirdlər formal adları jurnalda gedib. Bu gün Ağdam orta məktəblərində son zəngə gələnl 11-cilərin əksəriyyəti heç öz müəllimləri sifətdən tanımır. Məktəblərdə texniki işçilərin çoxunun maaş kartları direktorların cibindədir. Sağlamlıq imkanı məhdud olan şagirlərin əksəriyyətinin adı xəstə uşaq kimi gedir (guya ev şəraitində dərs keçirilir) ancaq məktəbə gəlib-gedir. Bir sözlə faklar o qədərdirki yazmaqla bitmir.

Bakıdaki Ağdam məktəblərin birində, daha dəqiqi 71 saylı Ağdam köçkün orta məktəbində Mətanət xanımın canfaşanlığı ilə yoxlama aparılıb. Mətanət xanımın havadarı və əlaltıları bu yoxlamada o qədən canfəşanlıq göstəriblər ki, məktəb direktorunun beş min manat maliyyə yeyintisi üzə çıxıb. O biri məktəblərdəkindən 10 dəfə az. Mətanət Misirxanovanın həmin məktəbin direktoruna qarşı o qədər kini-küdürəti və şəxsi qərəzi olub ki, xanım direktoru vəzifəsindən uzaqlaşdırmaqla ürəyi soyumayıb, onun işini Baş Prokurorluğun Korrupsiya qarşı Mübarızə İdarəsinə göndərtdirib. Bu bilirsiz nədir? Ağdam maarifinin tarixində bir ilkə imza atıb Mətanət xanım. Bir məktəb direktorunun, bir pedaqoqun, ən əsası xanım pedaqoqun üzünə adam dayandırıb həbs etdirmək istəyir. Bu bir ilkdi. Əhsən, Mətanət xanım, nəhayət bu 3 ildə nədəsə ilkə imza ata bildiz.

Maraqlı məqam budur ki, həmin məktəbi təftiş edən Təhsil Nazirliyi Daxili Nəzarət İdarəsinin əməkdaşı Məhəmməd Aslanov (ötən yazımızda qeyd etdiyimiz kimi Mətanət xanımın day-dayısı) bu ilin aprel ayı Bakıda Sulutəpə qəsəbəsində balaca bir çayxanada "fəaliyyət göstərən" 89 saylı saylı Ağdam məktəbində də təftiş aparıb. Bu məktəbin vəziyyəti 71 saylı məktəbin vəziyyətindən ən azı 10 dəfə pisdir. Ancaq Məhəmməd müəllim bu məktəb haqqında elə bir akt yazıb ki, guya məktəbdə hər şey qaydasındadır. Belə anlaşılır ki, çayxanada yerləşən bu məktəbi Bakının ən böyük məktəblərinə nümunə göstərmək olar. Nədən bir ailə təfindən idarə olunan bu 89 saylı məktəb təftişdən "təmiz" çıxıb? Çünki, həmin məktəbin direktoru Nərgiz Zeynalovanın oğlu Etibar Mətanət xanımın metodistidir və Məhəmməd Aslanovla şəxsi münasibəti yaxşıdır.

İndi yenə qayıdaq 71 saylı məktəbə... Bu məktəbin direktoru vəzifədən kənarlaşdirdıqdan sonra bu vəzifə Könül Əliyevaya həvalə olunub. Təhsil Nazirliyi tərəfindən töhmət almış Könül Əliyeva necə bu məktəbi idarə edə bilər? Qanunvericilik buna imkan verməsə də, lakin Könül Əliyevanın day-dayısı olduğu üçün olar.

Elə indi aldığımız məlumata görə həmin bu Könül Əliyeva məktəbin bütün şagirdlərindən pul yığıb təmtəraqlı "son zəng" keçirdir. Həlbuki, bu məktəbin bu il cəmi 4 məzunu var. Ancaq butün siniflər üçün bu gün o məktəbdə "son zəng"dir. Əhsən ustadına, Könül xanım. Az qala unutmuşdum, Könül Əliyevanın himayədarı barəsində məlumat vermədim. Sonra məndən inciyər. Ağdam rayon Təhsil Şöbəsinin məsləhətçısi, Ağdam 31 saylı köçkün məktəbinin müəllimi, Ağdam rayon İcra hakimiyyətinin Sumqayıt şəhəri üzrə səlahiyyətli nümayəndəsi, Sumqayıtdakı Ağdam köçkünləri üzrə Məntəqə Seçki Komissiyasının sədri, (vəzifələrinin hamısın yazıb vaxtınızı almaq istəmirəm) ən asası Mətanət xanımın Bakı və Sumqayit məktəbləri üzrə pul yığanı (özü üçün 50 manat, müdir üçün 200-300 manat) Şakir Səfərov tərəfindən himayə olunur bu Könül xanım. Niyə himayə edir, o qalsın məndə. Rəhmətlik Nəsibə Zeynalova demiş: "Nəyimə lazım?"
Məktəb direktorlarının himayə olunmasından söhbət düşmüşkən ötən yazımızda anons verdiyimiz kimi Daxili Nəzarət İdarəsinin əməkdaşı Məhəmməd Aslanov Mingəçevirdə yerləşən 26 saylı Ağdam kökün orta məktəbinin keçmiş direktoru və hal hazırda da həmin məktəbi idarə edən Cehunə xanımın diplomu saxta olduğu üçün direktorluqdan uzaqlaşdırildı. Əmr böyük yerdən idi deyə, Məhəmməd Aslanov onu qoruya bilmədi. Ancaq, bu gün başqa cür himayə edir Cehunə xanımı. Belə ki, cibində 8 ədəd maaş kartı olan Cehunə xanım hal-hazırda da həmin 26 saylı məktəbi de-fakto idarə edir. Qızdaki, fərasətə bax ey...

Ötən yazımızda Təhsil Şöbəsi Motod Kominetin müdiri Əhməd Rüstəmovun üç ildə neçə dəfə guya Bakıya "ezam olunub" və onun adına neçə manat ezam pulu yazılması məsələsinə aydınlıq gətirəcəyimizi də anons etmişdik. Əhməd əkənin (eşitdiyimə görə bu əkə sözü onun çox xoşuna gəlib. Bu sözdən o qədər xoş hal olubki, Bakıdaki "Qaranquş" Sanatoriyasına istirahətə gedib.) son üç ildə Bakı şəhərinə ezamiyyətləri fantastik qədər olub. Hətta elə ay olub ki, Əhməd əkə ayın 30 gününün 28 gününü Bakıda ezamiyyətdə olub. Son üç ildə onun adına yazılan ezam xərcləri isə on min manatlarla ölçülür. Bu fakt Maliyyə Nazirliyi, Hesablamalar palatası və digər aydiyyəti dövlət qurumlarında araşdırılır.

Bizim üçün oda maraqlıdir ki, Ağdam Təhsil İşçilərinin həmkarlar təşkilatının sədri, Mətanət Misirxanovanın ən yaxın rəfiqəsi Xalidə Həsənova niyə minlərlə Ağdam təhsil işçilərindən heç kimə yox, hər il məhz Mətanət xanımla, Əhməd əkəyə sanatoriya üçün pityofka verir?
Ümumiyyətlə Ağdam Təhsil İşçilərinin həmkarlar təşkilatında hansı maxinasiyalar gedir?(bakunews.az)

pia.az