Slavutiç şəhərinin meri Yuri Fomiçev Çernobıl Atom Elektrik Stansiyasında radioaktiv tozun yayılması təhlükəsinin böyük olduğunu bildirib. Bu barədə mer telemarafon zamanı deyib.
Onun sözlərinə görə, Çernobıl zonasından keçən bütün texnika təkərlər üzərində radioaktiv tozları Kiyev istiqamətində bütün Ukrayna ərazisinə aparır və yayır. “Biz adamları əvəz edə bilmirik və onlar 10 gündür fasiləsiz işləyirlər. Onlar iki qrupa bölünüblər. Onlar həm fiziki, həm emosional olaraq yorulublar və bu, nüvə obyekti üçün çox böyük təhlükədir, çünki işçilər stabil işləməlidir”, - Fomiçev bildirib.
O qeyd edib ki, obyektdə hərbi əməliyyatlar baş verərsə, bu, qəzanın baş verdiyi və qeyri-sabit işləyən dördüncü enerji blokuna təsir göstərə bilər. (Suspilne) (virtualaz.org)
pia.az
Digərxəbərlər
Populyar xəbərlər
