Yolda görsəniz, heç bir əhəmiyyət verməyəcəyiniz halda olan bu silahın satıldığı rəqəmi eşidənlər qulaqlarına inana bilmir
Auksionla satılan bu silahın isə bir özəlliyi var.
Hollandiyalı məşhur rəssam Vinsent Van Qoqun özünü öldürdüyü düşünülən silah tam 162 min 500 avroya satılıb.
Musavat.com Türkiyə mediasına istinadən xəbər verir ki, Fransanın paytaxtı Parisdəki Drouot Müzey Evində hollandiyalı rəssam Vinsent Van Qoqun özünü öldürdüyü düşünülən silah auksionla satışa təqdim olunub.
Paslanmış və istifadəyə yararsız durumda olan silah adı açıqlanmayan və özəl bir kolleksiyaçı tərəfindəns satın alınıb. 7 millimetrlik bir cib tapançası olan bu silah 1960-cı illərdə Van Qoqun özünü öldürdüyü fransız qəsəbəsi Auvers-sur-Oise yaxınlığındakı bir tarlada tapılmışdı. Sənət tarixinin bu önəmli silahı Van Qoq muzeyində nümayiş etdirilmişdi.
Van Qoqun silahı naməlum bur şəxsdən borc aldığı və bu silahla intihar etdiyi qeyd edilir. Digər bir ölüm versiyasına görə isə iki uşağın silahla oynayarkən qəza nəticəsində atəş açılmasıyla Van Qoq yaralanıb və daha sonra da ölüb. Vinsent Van Qoq 29 iyul 1890-cı ildə dünyasını dəyişib.
pia.az