Çərşənbə, 21 Avqust 2019
USD : 1.7
EUR : 1.9178
Hava
+29 ° Baku
+31 ° Quba
+23 ° Qusar
+32 ° Gəncə
+28 ° Lənkəran
+30 ° Naxçıvan
+35 ° Salyan
+32 ° Şəki

Bu il 74 tona yaxın narkotik maddə məhv edilib

2019-cu ilin 6 ayı ərzində Daxili İşlər Nazirliyinin təşkilatçılığı, Ekologiya və Təbii Sərvətlər Nazirliyi, Kənd Təsərrüfatı Nazirliyi, Dövlət Sərhəd Xidməti və digər aidiyyəti qurumların nümayəndələrinin iştirakı ilə 2273 hektar ərazi üzrə 73 ton 892 kq (150 min 201 ədəd) narkotik tərkibli bitkilər məhv edilib

Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının məlumatına görə, 1687 nəfər cinayət məsuliyyətinə cəlb edilib. Onlardan 5 nəfər 16-18 yaşda olanlar, 130 nəfər 18-25 yaşda olanlar, 253 nəfər 26-29 yaşda olanlar, 1299 nəfər isə 30 yaşdan yuxarı olanlardır.

Məsuliyyətə cəlb olunanlardan 160 nəfəri fəhlə, 2-si maddi məsul şəxs, 1-i orta ixtisas məktəbi tələbəsi, 412-si əvvəllər cinayət törədənlər, 5-i əvvəllər xüsusi qeydiyyatda olanlar, 1141-i işləməyən, 56 nəfəri xarici ölkə vətəndaşı, 1636-sı kişi, 38-i qadın olub.

Əcnəbilərdən 40-ı İran, 5-i Gürcüstan, 4-ü Rusiya, 2-si Türkiyə, 2-si Ukrayna, 2-si Pakistan, 1-i Braziliya vətəndaşıdır.

Qeyd olunan xarici ölkə vətəndaşlarından ümumilikdə 585 kq 840,908 qram narkotik vasitə götürülüb.

pia.az

Etiket:

loading...