ABŞ-ın məşhur mağazalar şəbəkəsi "Macy"də satılan boşqablar insanlar arasında böyük narazıçılığa səbəb olub
“Yeni Sabah” xarici mediaya istinadən xəbər verir ki, 10 dollara satılan boşqabların üzərində çəkisinə diqqət etmək istəyən insanlar üçün 3 bölgü qoyulub. İlk bölgüyə “skinny jeans” ( çox dar şalvar), orta bölgüyə “favori jeans”, sonuncu bölgüyə isə “mom jeans” (enli şalvar) sözləri qeyd olunub.
Sosial şəbəkələrdə bu boşqabların insan psixologiyasına mənfi təsir etdiyi, qadın bədənini müəyyən qəliblərə salmağa çalışan zehniyyətin məhsulu olduğu ilə bağlı fikirlər yazılıb.
Baş verənlərdən sonra boşqablar bütün mağazalardan yığışdırılıb. Boşqabları istehsal edən şirkətin sədri Meri Kassidi isə alıcılardan üzr istəyib.
pia.az