Braziliyada prezident seçkiləri üçün səsvermə başlayıb
Qaynarinfo xarici KİV-ə istinadən xəbər verir ki, 150 milyon seçici dövlət başçısı, əyalət nümayəndələri, senat və nümayəndələr palatasının üvlərini seçmək üçün səs verirlər.
Seçkilərdən öncə keçirilən anket sorğusunda radikal sağçı namizəd Xair Bolsonaronun ən güclü rəqibi olan solçu namizəd Fernando Haddad üzərində üstünlüyünü qoruduğu məlum olmuşdu.
Əvvəllər Braziliya ordusunda kapitan rütbəsində vəzifəsini icra etmiş Bolsonaronun korrupsiya və cinayətkarlıqla mübarizə ilə bağlı sərt çıxışları onu anket sorğularında populyarlaşdırıb.
Bu gün keçirilən seçkilərdə namizədlərdən hər hansısa biri 50 faizdən çox səs toplamadığı təqdirdə oktyabrın 28-də seçkilərin ikinci dövrəsi keçiriləcək.
pia.az