Şənbə, 14 Dekabr 2019
USD : 1.7
EUR : 1.8724
Hava
+25 ° Baku
+19 ° Quba
+12 ° Qusar
+24 ° Gəncə
+16 ° Lənkəran
+23 ° Naxçıvan
+26 ° Salyan
+23 ° Şəki

Böyük Britaniya siqaretçəkmədən imtina etmək niyyətindədir

Böyük Britaniya hakimiyyəti “2020-ci illərdə əhalinin sağlamlığının yaxşılaşdırılması üzrə Konsepsiya”nı təqdim edib

Konsepsiyanın başlıca məqsədi 2030-cu ilədək ölkədə siqaretçəkmədən tam imtina, əsas problemi isə siyasətlə bağlıdır. Konsepsiya hökumət dəyişikliyinə bir neçə saat qalmış dərc edilib.

Azərtac BBC-yə istinadla bu barədə xəbər verir.

Böyük Britaniya dünyada tütünə qarşı ən sərt qanunların tərəfdarı olan ölkələrdən biridir. Hələ 1985-ci ildə bu ölkədə siqaretin televiziyalarda, 2003-cü ildə – reklam lövhələrində reklamı qadağan edilib; 2005-ci ildən isə tütün şirkətlərinin ictimai tədbirlərin və idman yarışlarının sponsorları olmalarına qadağa qoyulub.

2007-ci ildə Böyük Britaniya dünyada ilk dəfə olaraq ictimai yerlərdə – restoran və kafelərdə siqaretçəkməni qadağan edib. Ölkənin bütün hava limanlarında siqaretçəkənlər üçün ayrılan yerlər ləğv olunub. Elə həmin il hakimiyyət orqanları siqareti ala biləcək şəxslərin yaş həddini 16-dan 18-ə qaldırıb.

2010-cu illərdə daimi olaraq ölkədə “Stoptober”ə bənzər, siqaretdən bir ay müddətinə imtina edib, daha sonra nəticəyə baxmaq kimi kampaniyalar keçirilib. 2016-cı ildə bütün siqaretlər eyni yaşıl rəngdə qutularda satılıb. Qutunun böyük hissəsini isə tütünün zərəri barədə xəbərdarlıq tutur.

Bir qutu siqaretin qiyməti ildə 30-80 faiz arası artır. Hazırda orta hesabla 10 funta bərabərdir. Ekspertlər 2020-ci illərin əvvəlində bir qutu siqaretin dəyərinin 20 funta çatacağını istisna etmirlər.

Hökumətin sənədində deyilir ki, bu tədbirlərin məcmusu 30 il ərzində siqaretçəkənlərin sayını iki dəfə azaltmağa kömək edib. 2011-ci ildə əhalinin təxminən 19 faizi siqaret çəkirdisə, bu faiz 2018-ci ildə 14,4 olub. Bu, hər altı böyük adamdan biri deməkdir. (müqayisə üçün deyək ki, Rusiyada müxtəlif tədqiqatların nəticələrinə görə, əhalinin 36-39 faizi siqaret çəkir).

Bununla belə, konsepsiyada qüvvədə olan tədbirlərin azlığı vurğulanır. Siqaretçəkənlər əksər hallarda xərçəngdən, insult və ürək xəstəliklərindən dünyasını dəyişir.

Konsepsiya müəlliflərinin hesablamalarına görə, Böyük Britaniyada siqaretçəkənlərin 5,9 faizi tütünün vurduğu ziyan nəticəsində əmələ gələn xəstəliklərə tutulurlar. Belə xəstəliklərə daha çox tutulanlar yalnız çəki artıqlığından əziyyət çəkənlərdir.

Siqaretçəkmə psixoloji problemi olan insanlar arasında daha çox populyardır. Milli Səhiyyə Xidmətinin göstəricilərinə görə, həkimə depressiya və ya təhlükəli pozuntularla bağlı müraciət edən hər üçüncü pasiyent siqaret çəkir.

Sənəddə hələlik ən ümumi tədbirlər qeyd edilib ki, bunlar barədə də hökumət ölçü götürməlidir. Bu, bütün mediada tütün əleyhinə aparılan fəal kampaniyadır. Dövlət xəstəxanalarına düşən siqaretçəkənlərə əsas xəstəliyin müalicəsi ilə yanaşı siqareti atmaqda yardım da təklif ediləcək.

pia.az

Şahidi olduğunuz hadisələrlərlə bağlı məlumatları, foto və videoları bizim whatsapp nömrəmizə yollamağınızı xahiş edirik: 0554231627



loading...

Ən çox oxunanalar