Bodrumda yanğınla bağlı 3 min nəfər təxliyə olunub - Video,Yenilənib

Muğlanın Bodrum rayonunda baş verən meşə yanğını otellər üçün təhlükə yaratdığına görə 3 min nəfər təxliyə olunub.

APA-nın yerli bürosunun xəbərinə görə, dəniz yolu ilə təxliyə edilən şəxslər Güvercinlik məhəlləsinə gətrirlib, Bodrum Bələdiyyəsinin əməkdaşları onları başqa otellərə yerləşdiriblər.

Böyükmiqyaslı yanğn fəlakətilə əlaqədar araşdırma başlanıb.

***

Türkiyənin Antalya şəhəri və ətraf ərazilərdə dünəndən başlayan, geniş yayılmış meşə yanğınları nəticəsində 3 nəfər ölüb, 77 ev isə yararsız vəziyyətə düşüb.

“Report” yerli KİV-ə istinadən xəbər verir ki, bu barədə Türkiyə kənd təsərrüfatı və meşəçilik naziri Bəkir Pakdəmirli xarici işlər naziri Mövlud Çavuşoğlu, ətraf mühit və şəhərsalma naziri Murad Kurumla birgə mətbuat konfransında bildirib.

B.Pakdəmirli yanğınlar səbəbilə 6000 ha əkin sahəsinin, 500 ha otlaq sahəsinin yarasız hala düşdüyünü bildirib. Xeyli mal-qaranın tələf olduğu da qeyd edilib.

Antalya əyalət səhiyyə müdiri Ünal Hülür yanğınlardan zərər çəkmiş 183 nəfərin xəstəxanalara müraciət etdiyini, 15 nəfərin hazırda müalicəsinin davam etdiyini açıqlayıb.

***

Türkiyənin Marmaris və istirahət zonası olan Bodrum şəhərində meşə yanğınları başlayıb.

Yanğın Armutalan adlı bölgədə başlayıb.

Yanğını nəzarətə almaq üçün Muğladakı yanğınsöndürən briqadaları hadisə yerinə göndərilib.

Yanğının hansı səbəbdən baş verdiyi bilinmir. Alovlar tez bir zamanda geniş əraziyə yayılıb və yaşayış yerlərinə təhlükə doğurur. Yanğın yaşayış yerlərinə yaxın ərazidə baş verdiyindən otel və istirahət yerlərində təhlükəsizlik tədbirləri görülüb.

Onlarla insan təxliyə olunub. Yaralananlar var.(unikal.org)

pia.az