BMT koronavirus əleyhinə qlobal həmrəylik qərarı qəbul etdi

“Anadolu” agentliyi xəbər verir ki, Norveç, İsveçrə, Sinqapur, İndoneziya, Lixtenşteyn, Qana tərəfindən hazırlanan və 193 üzvü olan BMT Baş Assambleyasında 188 ölkə tərəfindən dəstəklənən qərar yekdilliklə qəbul edilib.

Bu, BMT-nin koronavirusun yayılması ilə bağlı ilk qərarıdır.

Qanun layihəsi təqdim olunduqdan sonra ölkələr cümə axşamı günü, yerli vaxtla saat 18:00-a qədər dəyişikliklər üçün müraciət etmək hüququna malik olublar. Qərar onlayn qaydada yekdilliklə qəbul edilib və son tarixdən sonra heç bir etiraz olmadığı üçün qüvvəyə minib.

Koronavirusun cəmiyyətlərə dağıdıcı təsirini, iqtisadiyyatın, qlobal səyahət və ticarətin ciddi şəkildə pozulduğunu vurğulayan qərarda ən kasıb və ən çox təsirlənən ölkələrə yardım lazım olduğu vurğulanıb.

Epidemiyaya qarşı qlobal həmrəyliyi və beynəlxalq əməkdaşlığı artırmağa çağıran qərarda, ayrıseçkiliyin, irqçiliyin və ksenofobiyanın, insan haqlarına hörmətin koranavirusla mübarizədə hörmət edilməli olduğu da qeyd edilib.

Digər tərəfdən, Rusiyanın BMT Baş Assambleyasına təqdim etdiyi koronavirusun yayılmasının səbəb olduğu çətinliklər qarşısında ticarət müharibələrinin dayandırılması və BMT Təhlükəsizlik Şurasının razılığı olmadan birtərəfli sanksiya qərarları verməməyə çağıran qanun layihəsi qəbul edilməyib.

Diplomatik mənbələrdən alınan məlumata görə, ABŞ, Avropa Birliyi və Ukrayna qərara etiraz edib.

pia.az