Çərşənbə, 08 İyul 2020
USD : 1.7
EUR : 1.8724
Hava
+16 ° Baku
+8 ° Quba
+8 ° Qusar
+16 ° Gəncə
+11 ° Lənkəran
+18 ° Naxçıvan
+12 ° Salyan
+16 ° Şəki

“Bizdə də Çindəki kimi küçədə yıxılmalar olacaq” - Professorun koronavirus təşvişi

Yoluxmanın sürətlə artması karantin rejiminin yüngülləşdirilməsi ilə birbaşa əlaqəlidir, yoxsa pandemiya Azərbaycanda pik səviyyəsinə doğru indi gedir?..

Tibb elmləri doktoru: “İnsanlar bilməlidir ki, vəziyyət təhlükəlidir. Həmçinin inanmalıdırlar ki, doğrudan da belə virus var”...

“Karantin rejiminin yumşaldılması üçün atılan addım gözlənilən idi. Buna mütləq gedilməli idi”.

Bu sözləri tibbi elmləri doktoru, professor Adil Qeybulla son günlər ölkəmizdə koronavirusa yoluxanların sayının kəskin şəkildə artmasının səbəblərini PİA.az-a şərh edərkən qeyd edib.

Karantin rejiminin yumşaldılması ilə paralel olaraq Azərbaycanda koronavirusa yoluxanların sayı kəskin şəkildə artmaqdadır. Hazırda Azərbaycanda koronavirusa yoluxma halları təkcə ölkəyə xaricdən gələn şəxslər arasında aşkar edilmir, həm də artıq ölkə daxilində insanların bir-birini yoluxdurması faktları aşkarlanır.

Nazirlər Kabineti konkret şəhər və rayonların adını çəkməsə də, Azərbaycanın müxtəlif regionlarında yaşayan insanlar arasında da infeksiyaya yoluxma hallarının olduğunu bildirib.

Xatırladaq ki, dünən Azərbaycanda daha 257 nəfərin koronavirus infeksiyasına yoluxma faktı qeydə alınıb, 202 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargah bildirib ki, COVID-19 üçün götürülən analiz nümunələri müsbət çıxmış 1948-ci, 1953-cü və 1957-ci il təvəllüdlü üç nəfər vəfat edib.

Azərbaycanda indiyədək 5246 nəfərin koronavirus infeksiyasına yoluxması faktı müəyyən edilib, onlardan 3327 nəfər müalicə olunaraq sağalıb, 61 nəfər vəfat edib, 1858 nəfərin xüsusi rejimli xəstəxanalarda müalicəsi davam etdirilir.

Onlardan 58 nəfərin vəziyyəti ağır, 68 nəfərin vəziyyəti orta ağır qiymətləndirilir, digərlərinin səhhəti stabildir.

Bəs yoluxmanın sürətlə artması karantin rejiminin yüngülləşdirilməsi ilə birbaşa əlaqəlidir, yoxsa pandemiya Azərbaycanda pik səviyyəsinə doğru indi gedir? Ümumiyyətlə aparılan mübarizə metodunun hansı qüsurlu tərəfləri var?

Mövzunu PİA.az-ın əməkdaşı tibb elmləri doktoru, professor Adil Qeybulla ilə müzakirə edib.

Adil Qeybulla: “Azərbaycanda karatin rejimini yumşaltmaqdan əvvəl gərək karantin qaydalarını şərtləndirərdilər. Yəni insanlara birmənalı şəkildə deyilərdi ki, karantin qaydaları yumşaldılır, amma davranışlar qalmalıdır”.

Azərbaycanda karatin rejimini yumşaltmaqdan əvvəl karantin qaydalarınının şərtləndirilməli olduğunu düşünən professor bildirib ki, insanlara birmənalı şəkildə karantin qaydalarının yumşaldırıldığını, amma davranışların qaldığı deyilməli idi:

“Əslində karantin rejiminin yumşaldılması üçün atılan addım gözlənilən idi. Buna mütləq gedilməli idi. Çünki insanlar uzun müddət, xüsusən də yay aylarında evdə saxlanıla bilməz.

Açıq etiraf etmək lazımdır ki, karantin rejimi dövründə insanlar evlərində normal oturmadılar. Hamı icazə alıb bayıra çıxırdı, qonaq gedirdi. Həmçinin də bayıra çıxırdılar söhbət edirdilər. Yoluxmaların çoxu da elə o vaxt baş verdi. Baxmayaraq ki, ölkədə karantin rejimi tətbiq edilmişdi. Sərt karantin rejimi Çində həyata keçirildi və nəticə də verdi.

Adil Qeybulla: “Ölkədə vətəndaş məsuliyyətsizliyi ortadadır. Buna görə də koronavirusa ölkədə pik həddə çatdı”.

Azərbaycanda karatin rejimini yumşaltmaqdan əvvəl gərək karantin qaydalarını şərtləndirərdilər. Yəni insanlara birmənalı şəkildə deyilərdi ki, karantin qaydaları yumşaldılır, amma davranışlar qalmalıdır. Yəni maska taxılmalı, sosial məsafə gözlənilməlidir, əllər dizenfeksiya olunmalıdır vəs. Bunların heç biri olmadı. Həmçinin də indi bu tələblərə əməl edilmir. Neçə gündür insanlar bulvarda sosial məsafəyə gözləmədən gəzirlər. Sanki heç nə olmayıb. Sosial şəbəkələrdə bu barədə yazırsan şərhdə təhqirlər yazırlar.

Ölkədə vətəndaş məsuliyyətsizliyi ortadadır. Buna görə də koronavirusa ölkədə pik həddə çatdı. Virusa yoluxanların sayı hələ artacaq. Mən qorxuram ki, bizdə də Çindəki kimi küçədə yıxılmalar olacaq. İnsanlar bilməlidir ki, vəziyyət təhlükəlidir. Həmçinin inanmalıdırlar ki, doğrudan da belə virus var”.

Nərminə UMUDLU
pia.az

Şahidi olduğunuz hadisələrlərlə bağlı məlumatları, foto və videoları bizim whatsapp nömrəmizə yollamağınızı xahiş edirik: 0554231627

Etiket: Koronavirus


Digərxəbərlər

Prezident İlham Əliyev xalqa yenə çağırış etdi

“Əli Həsənovun qudası oğurladığı milyardlardan bir neçə milyonunu xalqa ayırmalıdır” - Aslan İsmayıliv

Populyar xəbərlər

""Görün, kim bizə yol göstərir?" - Sabiq konsul Ramiz Mehdiyev haqda..

Kürdəmir rayon icra başçısı istefa verib, ölkədən getmək istəyir? -İddia

Miri Yusif xüsusi reyslə xaricə istirahətə getdi - Fotolar

Mehdiyev sükutu pozdu: "Ramiz Mehdiyev mövzusu onlara..."

"İnsanlar virusa yox,sizə inanmır " - Azər Qəribdən TƏBİB -ə sərt təndiq

“Dövlət strukturlarına Rusiyanın kəşfiyyat orqanlarına bağlı adamları Ramiz Mehdiyev yerləşdirib”

Sabiq deputatın idmançı oğlu da XİN -də işə götürülüb - Vitse-konsul vəzifəsinə

SOCAR-da "islahat" - Rövnəq Abdullayev işçilərin aylıq əlavə ödənişlərini yarıbayarı azaltdı

"Atdıqları addımlarda çox gecikirlər"- Aslan İsmayılov

“Elmar Məmmədyarov təmiz ailədən çıxıb" - Qohumu

Vahid Əhmədovdan səhhəti ilə bağlı açıqlama

loading...

Ən çox oxunanalar