30 yaxın Göyçay sakini azərbaycanlı məşhur iş adamı, milyarder, Rusiyanın sabiq senatoru Fərhad Əhmədovdan Daxili İşlər Nazirliyinə şikayət edib.
PİA.az xəbər verir ki, bu barədə şikayətçilərdən biri Nəriman Qarayev “Facebook” sosial şəbəkəsində məlumat yayıb. Həmin məlumatı təqdim edirik:
“Rusiya vətəndaşı, işadamı Fərhad Əhmədovun onlarla insana qarşı sərgilədiyi əməldən DİN-ə şikayətlə əlaqədar bu gün DİN-də izahat verdim. İzahatımı alan polis nəfəri heyrətlər içərisində məni dinləyirdi.
Fərhad Əhmədovun özbaşınalıqları yazmaqla bitməz. Dəyərləri olmayan adamdan hər cür pislik gözıəmək olar. Amma bu pislik gec-tez tərəfimizdən aparılan mübarizə nəticəsində ədalətli həllini tapacaq!!!
Nəzərinizə çatdırmaq istəyirəm ki, Fərhad Əhmədov onlarla insanı malikanələrində təmir-tikinti işlərində işlədib 2 ildir pullarını vermir. Bu adam işçi haqqı qəsb edəndir”.
Fotolar
Qeyd edək ki, ötən ay bu barədə yerli mətbuatda məlumat yayılmışdı. Məlumatda bildirilirdi ki, Rusiyada yaşayan azərbaycanlı iş adamı Fərhad Əhmədov Göyçayda igamətgahında çalışan şəxslərin əmək haqqlarını ödəmir.
“Biz 2017-ci ilin noyabr ayından 2019-cu ilin aprel ayına qədər Göyçay rayonu, Potu kəndində yerləşən, Fərhad Əhmədova məxsus malikanədə işləmişik. Bu günə qədər zəhmət haqqımızın bir qismini ala bilməmişik. Dəfələrlə Fərhad Əhmədova və onun səlahiyyətli nümayəndələrinə yazılı və şifahi müraciətlərimizə baxmayaraq məsələ həllini tapmamış olaraq qalır. Müxtəlif bəhanələrlə Fərhad Əhmədov 4 dəfə qeyri-rəsmi yerli, 1 dəfə isə Rusiya Federasiyasından rəsmi audit yoxlama aparan mütəxəssislər dəvət edərək görülən işləri yoxlatdırıb. Fərhad Əhmədov tərəfindən aparılmış bütün yoxlamaların nəticələri bizim lehimizə olmağına baxmayaraq cənab Əhmədov ədalətsizlik nümayiş etdirərək bizə olan borcu artıq 2 ildir ki, ödəmir”.
pia.az
Digərxəbərlər
Populyar xəbərlər
