Əlavə dəyər vergisinin (ƏDV) ödənilməsi üzrə maksimal limit bundan sonra Birləşmiş Ərəb Əmirliklərində nağd vəsaitlə bir turist üçün gündəlik 7 min dirhəm (1,9 min dollar) təşkil edəcək
Turistlər üçün ƏDV ödənişinin gündəlik limitini müəyyən edən müvafiq sərəncamı Dubay Əmirinin müavini, BƏƏ-nin Maliyyə naziri və Federal Vergi İdarəsinin sədri şeyx Həmədan bin Rəşid Al Maktum imzalayıb. Qeyd olunur ki, 2018-ci ilin noyabrında qüvvəyə minən turistlər üçün verginin qaytarılması sxemi özünün effektivliliyi, prosedurların müntəzəmliyi, müraciətlərin sürətli və dəqiq işlənilməsi ilə fərqlənir.
Məlum qərarı şərh edən Federal Vergi İdarəsinin baş direktoru Xalid Əli Al Bustani bildirib ki, turistin nağd şəkildə ala biləcəyi maksimal gündəlik məbləğ barədə yeni qərar maliyyə əməliyyatlarında nağd vəsaitlərdən asılılığın azaldılması, müasir rəqəmsal və texnoloji infrastrukturun üstünlüklərindən istifadə üzrə BƏƏ-nin ümumi strategiyasına müvafiqdir. Onun sözlərinə görə, bu sistemlər BƏƏ-nin maliyyə-iqtisadi sektorunun durmadan inkişafının əsas tərkib hissəsidir ki, pul vəsaitlərinin və maliyyə aktivlərinin təhlükəsiz hərəkətinə, həm yerli, həm də beynəlxalq maliyyə əməliyyatlarına inamın artırılmasına şərait yaradır.(azərtac)
pia.az