Cümə, 29 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

“Baku Medikal Plaza”dakı ölüm işinin sensasion təfərrüatları

Bu ilin mayında “Baku Medikal Plaza”da Səhiyyə Nazirliyi Elmi-Təhqiqat Ağciyər Xəstəlikləri İnstitutunun ginekoloqu Sona Gürgün Vəliyeva əməliyyat zamanı dünyasını dəyişib

Yaxınları həkimin ölümündə plastik-estetik cərrah Sirus Qoçqanini və onun assistenti olan həyat yoldaşını suçlu bilirlər. Deyirlər ki, Sirus Qoçqani əməliyyatdan əvvəl həkim həmkarını əməliyyatın tam təhlükəsiz olduğuna inandırıb. Bundan sonra 51 yaşlı həkim əməliyyata razılıq verib, 4 min 500 manat pul ödəyib.

İctimai vəkil Samir Zeynalov deyir ki, əməliyyatdan bir müddət öncə Sona Gürgün Vəliyeva Sirus Qoçqani ilə görüşüb, əməliyyatın təhlükəli olub-olmaması haqda söhbət aparıb: “Sirus Qoçqani Sona xanıma həmin söhbət zamanı deyib ki, liposaksiya əməliyyatı üçün nəzərdə tutulmuş yeni aparat alıblar, həmin aparat heç bir həyati risk yaratmır. Bu aparatla emboliya baş vermir. Bu baxımdan əməliyyatın tamamilə təhlükəsiz olacağına, Sona xanımın peşman olmayacağını və hər şeyin uğurla nəticələnəcəyini deyib. Sona xanımda əməliyyatdan əvvəl Qoçqani və onun assistenti olan həyat yoldaşı əminlik hissi yaradıblar. Əslində isə əməliyyatın keçirilməsinə əks-göstərişlər olub. Sona xanımın zob xəstəliyi, ürəyində aritmiyasının olması əməliyyatdan əvvəl aparılan müayinələr zamanı qeydə alınıb. Əməliyyatdan sonra isə həmin diaqnozların əks olunduğu sənədlər onun çantasından yoxa çıxıb. Qoçqaninin həyata keçirdiyi uğursuz liposaksiya əməliyyatının nəticəsində Sona Gürgün Vəliyeva dünyasını dəyişib”.

Samir Zeynalov qeyd edib ki, baş verən hadisədən sonra Sirus Qoçqani və onun xanımı absurd və böhtan xarakterli ifadələri ictimaiyyət mənsublarına çatdırıblar: “Belə ki, növbəti uğursuz əməliyyata imza atmaqla bir ailəni bədbəxt edən, iki uşağı anasız qoyan Sirus Qoçqani hadisənin mənəvi zərərini pul vasitəsilə qarşılamaq istəyib. Bu məqsədlə Sona Gürgün Vəliyevanın ailə üzvləri ilə görüşüb. Səhlənkarlığa yol verdiyini bu addımı ilə təsdiq edən həkim görüş zamanı ağlabatan təkliflər verməyib. Sirus Qoçqani ailəyə dəymiş mənəvi ziyanı hər aya düşən sabit pul məbləği ilə kredit formasında fiksasiya etmək istəyib. Birinci və sonuncu görüşdən sonra isə bir daha Sirus Qoçqanidən xəbər almaq mümkün olmayıb. Görünən odur ki, adıçəkilən həkim istər peşə, istərsə də digər xarakterli hərəkətlərinə birmənalı olaraq cavabdeh deyil. Bununla belə, Sirus Qoçqani və onun assistenti, həmçinin xanımı olan Könül adlı şəxs hadisə ilə bağlı mətbuatda həqiqətdən kənar fikirlər işlədirlər.

Deyirlər ki, guya Sona Gürgün Vəliyevanın ölümündə zərrə qədər təqsirləri yoxdur. Üstəlik, mərhumənin ailə üzvlərinin tikintisi yarımçıq qalan villanın tikinti məsrəfini qarşılmaq məqsədilə Sirus Qoçqanidən 150 min dollar istədiklərini dilə gətiriblər. Sirus Qoçqani və onun assisteni olan Könül adlı şəxsin belə bir açıqlama verməsi tamamilə həqiqətdən uzaqdır. Əldə etdiyim dəqiq məlumata əsasən, Qoçqani və xanımı mərhumənin dəfn mərasiminə gəlmək, dəymiş mənəvi zərərin qarşılığını ödəmək məqsədilə təklifdə görsəniblər. Bundan öncə isə Sirus Qoçqani baş vermiş bədbəxt hadisənin nəticəsini ört-basdır etmək niyyəti ilə mərhumənin ailə üzvlərini klinikaya danışığa dəvət edib. Görüş əsnasında isə Sirus Qoçqani dəymiş mənəvi zərərin qarşılığını kredit formatında ödəməyi təklif edib. Bu təklif isə haqlı olaraq mərhumənin hüquqi varislərini qane edən addım olmayıb”.

İctimai vəkil deyir ki, liposaksiya əməliyyatı sırf piy emboliyasının baş verməsi hallarına görə riskli əməliyyat sayılır. Əməliyyatla bağlı mərhumə Sona Gürgün Vəliyevanın səhhətində mövcud olan problemlərə dair müayinələrin nəticələri nəzərə alınmadan əməliyyatın icrasına risk edilib. Əməliyyatın nəticəsi isə qeyd olunduğu kimi, bir insanın həyatla vidalaşmasını, bir ailənin isə bədbəxt olmasını şərtləndirib. Bu bədbəxt hadisənin baş verdiyi gün isə Sona xanımın həyat yoldaşı Cem Gürgün infarkt keçirərək xəstəxanaya yerləşdirilib. Hazırda ambulator qaydada müalicəsini davam etdirir.

Samir Zeynalov deyir ki, Sona Gürgün Vəliyeva ölümü ilə müğənni Zemfira İbrahimovanın həyatını xilas edib: Sona xanım əməliyyat masasında dünyasını dəyişəndən 1 gün sonra Qoçqani müğənni Zemfira İbrahimovanı eyni əməliyyata götürəcəkdi. Sona xanımın ölümündən sonra müğənni Zemfira İbrahimova bu istəyindən vaz keçib. Bizdə olan məlumata görə, Sirus Qoçqani plastik-estetik cərrah deyil, ixtisası diş texnikidir".

Samir Zeynalov hadisəyə hüquqi qiymətin verilməsi istiqamətində addımlar atacaqlarını bildirib: ““Baku Medikal Plaza” rəhbərliyi tibb müəssisəsi olaraq işçisinin vurduğu mənəvi zərər görə maddi məsuliyyətini etiraf edib, zərəri könüllü olaraq qarşılmaqdan imtina edərsə, məhkəmə müstəvisində klinikaya qarşı mənəvi zərərin ödənilməsinə dair iddia tələbi irəli sürüləcək. Həkim Sirus Qoçqani barəsində isə analoji uğursuz əməliyyatların bir daha gerçəkləşməməsi üçün cinayət hüququ qaydasında Bakı Şəhər Prokurorluğuna müraciət ediləcək. Cinayət Məcəlləsinin 314-cü maddəsi səhlənkarlıq nəticəsində ehtiyatsızlıqdan zərərçəkmiş şəxsin ölümü və onun barəsində digər ağır nəticələrin yaranması halı zərərvuran şəxsin 5 ilədək azadlıqdan məhrum edilməsi cəzasını müəyyən edir. Eləcə də Azərbaycan Respublikasının Mülki Məcəlləsinin 1112-ci maddəsinə əsasən tibb müəssisəsi cərrahiyyə əməliyyatı nəticəsində vurduğu zərərin əvəzinin ödənilməsinə görə cavabdehdir". (musavat.com)

pia.az



Şərh yazın.


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Azərbaycanda polkovnik-leytenant vəfat etdi - Foto

Ermənistan Silahlı Qüvvələrinin Baş Qərargah rəisi müharibə istəyir?..

Yarım milyon mənimsəyən baş həkim həbsdə öldü    

Şadlıq saraylarında menyular bahalaşdı - Qiymətlər

“Verdiyi koordinatlar o qədər dəqiq idi ki...” - Döyüş yoldaşları Milli Qəhrəman haqqında - Video

BMT Baş katibi azərbaycanlı diplomatı yüksək vəzifəyə təyin edib

Azərbaycanda taksilərdə gediş haqqı lövhəsinin nümunəvi forması açıqlanıb

Qurban Qurbanov hərəkətlərinə fikir verməyən futbolçunu cərimələdi

Ən çox oxunanalar