Cümə, 29 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Bakıda valideynlər petisiya imzaladılar: 2-ci növbəyə yox deyirik! - Foto

Bakı şəhərində yerləşən məktəblərdəki şagirdlərin valideynləri tədrisin ikinövbəli şəkildə keçirilməsinə etiraz ediblər.

Bakupost.az xəbər verir ki, bununla bağlı bir qrup valideyn petisiyaimzalayıblar.

Onlar bildirirlər ki, aşağı sinif şagirdlərinin 2-ci növbədə təhsil almaları düzgün deyil:

“İndiyə qədər birinci növbə təhsil alan 3, 4, 5, 6, 7-ci sinif şagirdlərini bu ildən ikinci növbəyə keçiriblər. İkinci növbənin dərsləri axşam saat 19-20:00-dək davam edəcək. Bəs o zaman uşaqlarımız idmanla, rəsmlə, digər dərnəklərlə, məktəb tapşırıqları ilə nə vaxt məşğul olacaqlar? Qışda hava saat 17:00-dan sonra qaralır, nə vaxt təmiz hava alacaqlar?”.
Qeyd edək ki, şikayət edən valideynlərin övladları Bakının mərkəzi küçələrində yerləşən iritutumlu təhsil müəssisələrində oxuyurlar. Xüsusilə 20 nömrəli məktəbin valideynlərinin başlatdığı bu petisiyanı bir neçə eyni problemlə qarşılaşan digər təhsil müəssisələrindəki valideynlər də imzalayıb.
Bakı Şəhəri üzrə Təhsil İdarəsi (BŞTİ) valideynlərin şikayəti ilə bağlı məlumat yayıb:
“Mövcud sanitar-epidemioloji vəziyyətlə əlaqədar yoluxma hallarının qarşısının alınması, sıxlığın yaranmaması məqsədilə 20 nömrəli məktəb-liseydə də tədrisin ikinövbəli şəkildə həyata keçirilməsi barədə qərar verilib. Məktəblərdə siniflərin növbələri müəyyənləşdirilərkən Pedaqoji şura tərəfindən məktəbin iş rejimi, şəraiti və sinif otaqlarının sayı nəzərə alınıraraq qərar verilir. Mövcud sıxlığın qarşısını almaq və tədrisin normal təşkili məqsədilə ikinövbəli sistem zərurətdən irəli gələn seçimdir və ənənəvi olaraq dünya praktikasında da tətbiq edilir. Xüsusilə indiki pandemiya şəraitində bu, ilk növbədə şagirdlərin sağlamlığı və pedaqoji kollektivin müvafiq qaydalara daha dolğun əməl etməsinə şərait yaratmaq məqsədlərinə xidmət edir. Dövlət tərəfindən təhsilverənlərin və təhsilalanların sağlamlıqlarının qorunmasına yönəlmiş tədbirlərə valideynlər də dəstək verməlidir".

pia.az


Etiket:


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Azərbaycanda polkovnik-leytenant vəfat etdi - Foto

Ermənistan Silahlı Qüvvələrinin Baş Qərargah rəisi müharibə istəyir?..

Yarım milyon mənimsəyən baş həkim həbsdə öldü    

Şadlıq saraylarında menyular bahalaşdı - Qiymətlər

“Verdiyi koordinatlar o qədər dəqiq idi ki...” - Döyüş yoldaşları Milli Qəhrəman haqqında - Video

BMT Baş katibi azərbaycanlı diplomatı yüksək vəzifəyə təyin edib

Azərbaycanda taksilərdə gediş haqqı lövhəsinin nümunəvi forması açıqlanıb

Ən çox oxunanalar