“Bu il Bakıda 161 məktəbdə 348 təmayül sinfi təşkil olunub”...
Bunu Bakı Şəhəri üzrə Təhsil İdarəsinin (BŞTİ) müdiri Rəşad Tağıyev deyib.
O bildirib ki, ümumi təhsilin tam orta təhsil səviyyəsində təmayülləşməsinin miqyası genişlənib.
R. Tağıyev qeyd edib ki, bu il 60 şagird inklüziv təhsilə cəlb edilib.
“Bakı şəhəri üzrə 4 ümumi təhsil müəssisəsində 60 şagird inklüziv təhsilə cəlb edilib. Həmçinin “2018-2024-cü illərdə Azərbaycan Respublikasında sağlamlıq imkanları məhdud şəxslər üçün inklüziv təhsilin inkişafı üzrə Dövlət Proqramı”na əsasən, çoxsaylı işlər görülüb, bu sahədə müəllimlərin üzərinə düşən vəzifələr müəyyənləşdirilib”, - deyə BŞTİ-nin müdiri vurğulayıb.
pia.az