Cümə, 29 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Bakı restoranında “görüş” Rövşən Lənkəranskinin ölümünün ildönümü ilə bağlı olub

Azərbaycan Respublikası Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinin əməkdaşlarının 18 avqust tarixində Bakının Xətai rayonunda ifşa etdikləri “görüş” 2016-cı ildə İstanbulda öldürülən, Rövşan Lənkəranski ləqəbi ilə tanınan azərbaycanlı qanuni oğru Rövşən Canıyevin ildönümünün şərəfinə təşkil olunub.

Bu barədə Oxu.Az-a Daxili İşlər Nazirliyindəki mənbələrdən məlumat verilib.

Xatırladaq ki, nazirlik bu hadisəyə rəsmi münasibət bildirərək idarənin zabitlərinin “Qarabağ” restoranında apardıqları xüsusi əməliyyat nəticəsində kriminal aləmin 100-ə yaxın nümayəndəsinin saxlanıldığını bildirib.

Üstəlik, yerli KİV Daxili İşlər Nazirliyinə istinad edərək, onların kriminal avtoritet olduqlarını qeyd edib.

Ancaq polisin bildirdiyi kimi, “100 kriminal avtoritet” çox böyük səslənir. Onların fikrincə, ümumilikdə Azərbaycanda bunun yarı sayı belə yoxdur.

“Əslində kriminal elementlər – avtoritetlərin izi ilə getmək istəyən şəxslər tutuldu. Əlbəttə, restorana gələn bütün qonaqlar xüsusi karantin rejimini pozduqlarına görə cəzalandırılmalı idilər. Çünki həmin vaxt iaşə obyektlərinin fəaliyyəti qadağan idi. Sonra məlum oldu ki, tutulanların bəzilərinin üzərindən narkotik maddə tapılaraq götürülüb”, - deyə hüquq-mühafizə əməkdaşları qeyd edib.

Daxili İşlər Nazirliyinin Cinayət Axtarış Baş İdarəsinin keçmiş əməkdaşı, təqaüddə olan polis polkovniki Elbrus Rüstəmov Oxu.Az-a müsahibəsində bildirib ki, jurnalistlər mühafizəçilərin açıqlamasını səhv anlayıblar.

“Demək olar ki, Azərbaycanda qanuni oğru yoxdur və silahlı qruplaşmaların yaranması üçün heç bir şərt də yoxdur, çünki ölkədə kriminogen vəziyyət sabitdir. Daxili İşlər naziri, general-polkovnik Vilayət Eyvazov əməliyyat vəziyyətinə nəzarət edir. Eyni şey rəhbər simalar üçün də deyilə bilər. İşlənən cinayətlərin əksəriyyəti xırda, daha çox məişət xarakterlidir. Korrupsiyaya gəlincə, Dövlət Təhlükəsizlik Xidməti rüşvətxorları və korrupsionerləri müəyyənləşdirmək üçün qarşıya qoyulan tapşırıqların öhdəsindən çox yaxşı gəlir”, - deyə E.Rüstəmov deyib.

Ukrayna, Gürcüstan və Rusiyada olduğu kimi Azərbaycanın Cinayət Məcəlləsinə “Cinayət iyerarxiyasında yüksək mövqe tutma” maddəsinin tətbiqi məsələsinə baxmağın vaxtı gəlməyibmi?

Rüstəmovun sözlərinə görə, əlbəttə ki, cinayət qanunvericiliyinin təkmilləşdirilməsi məsələsini müzakirə etmək mümkündür, lakin ölkədə qanuni oğru problemi olmadığı üçün belə bir maddənin qəbuluna ehtiyac yoxdur.

Eyni zamanda, o qeyd edib ki, Rövşən Lənkəranski və Nadir Səlifovun (“Lotu Quli”) tərəfdarlarının respublikada mövcudluğunu inkar etmək olmaz, lakin onlar nəzarət altındadırlar və kriminogen vəziyyətin sabitliyi üçün ciddi təhlükə yaratmırlar.

Sonda vurğulayaq ki, ilk dəfə bir sıra sərt cinayət əleyhinə qanunların təsdiqlənməsi məsələsi 1874-cü ildə Romada qaldırılıb. Bu ilin noyabr ayında Siciliya millət vəkilləri korrupsiyada, seçkilərdə istədikləri nəticəni əldə etmək üçün quldurlardan istifadə etməkdə və hətta mafiyaya mənsub olmaqda günahlandırılıb. Hökumətin təkliflərindən birində cinayət təşkilatları ilə əlaqədə şübhəli bilinənlərin və onların siyasi dəstəkçilərinin beş ilədək məhkəmə və istintaq olmadan həbs cəzası ilə üzləşəcəkləri bildirilib.

pia.az




Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Azərbaycanda polkovnik-leytenant vəfat etdi - Foto

Ermənistanla Gürcüstan arasında demarkasiyası prosesi - İrəvan Tbilisiyə bir kənd verəcək....

Ermənistan Silahlı Qüvvələrinin Baş Qərargah rəisi müharibə istəyir?..

Şadlıq saraylarında menyular bahalaşdı - Qiymətlər

Yarım milyon mənimsəyən baş həkim həbsdə öldü    

Azneft”in baş direktoru vəzifəsindən azad edildi - Yeni təyinat

Ərdoğan: Qarabağda hansı addımı atdıqsa, qarşımıza böyük qlobal ittifaq çıxdı

Qurban Qurbanov hərəkətlərinə fikir verməyən futbolçunu cərimələdi

Ən çox oxunanalar