Hacıqabulda yol qəzasında ölən və xəsarət alan şəxslər bir ailənin üzvləridir.
APA-nın Mil-Muğan bürosunun məlumatına görə, Bakı-Qazax magistralının Atbulaq kəndindən keçən hissəsində Bakı sakini, 1979-cu il təvəllüdlü Qaraşov Vüqar Rafiq oğlunun idarə etdiyi “Hyundai Santa fe” markalı avtomobil yoldan çıxaraq aşıb. Nəticədə avtomobildə olan 68 yaşlı Hüsniyyə Qaraşova hadisə yerində ölüb, sürücü və ailənin digər üzvləri - Bakı sakinləri, 1979-cu il təvəllüdlü Qaraşov Vüqar Rafiq oğlu, 1981-ci il təvəllüdlü Şəfiyeva Leyla Yusif qızı, 2007-ci il təvəllüdlü Qaraşov Rafiq Vüqar oğlu və 2010-cu il təvəllüdlü Qaraşov Səbuhi Vüqar oğlu müxtəlif dərəcəli xəsarətləri ilə Şirvan şəhər xəstəxanasına yerləşdirilib.
Faktla bağlı BDYPİ tərəfindən araşdırma aparılır.
***
Bakı-Qazax magistralında ölümlə nəticələnən yol qəzası baş verib.
Hadisə şahidlərinin APA-ya verdiyi məlumata görə, yol qəzası magistralın Hacıqabul rayonunun Qızılburun kəndindən keçən hissəsində qeydə alınıb.
“Hyundai Santa fe” markalı avtomobilin yoldan çıxaraq aşması nəticəsində avtomobildə olan 1 nəfərin öldüyü, 4 nəfərin xəsarət aldığı bildirilir.
pia.az